Եվրադատարանը Թուրքիային մեղավոր է ճանաչել լրագրողի դեմ հարուցված գործով

Իրավական16:08, 09 Հունիս 2021

Եվրադատարանը Թուրքիային մեղավոր է ճանաչել լրագրողի դեմ հարուցված գործով

Մարդու իրավունքների եվրոպական դատարանը (ՄԻԵԴ) Թուրքիային մեղավոր է ճանաչել փակված «Zaman» թերթի թղթակից Ալի Բուլաչի գործով։ Ըստ ՄԻԵԴ-ի վճռի՝ Թուրքիան խախտել է լրագրողի իրավունքները, ինչի համար պարտավոր է 12․240 եվրո բարոյական փոխհատուցում վճարել վերջինիս։

Ըստ եվրադատարանի՝ Թուրքիան խախտել է Մարդու իրավունքների եվրոպական հռչակագրի՝ ազատության և անվտանգության իրավունքի մասին հոդվածի առաջին կետը և խոսքի ազատության մասին 10-րդ հոդվածը։

Նշենք, որ Ալի Բուլաչը կալանավորվել էր 2016թ․ հուլիսի 31-ի հեղաշրջման փորձից հետո և ազատ էր արձակվել 2018թ․ մայիսի 11-ին։

Ստամբուլի 13-րդ ծանր հանցագործությունների դատարանը 2018թ․ հուլիսի 6-ին Բուլաչին դատապարտել էր 8 տարի 9 ամիս ազատազրկման՝ «զինված ահաբեկչական խմբավորման անդամ լինելու» մեղադրանքով։

Սակայն 2020թ․ սեպտեմբերի 24-ին Թուրքիայի Վճռաբեկ դատարանը չեղարկել էր ստորադաս դատարանի վճիռը, իսկ 2021թ․ ապրիլի 13-ին դատավարությունը վերսկսվել էր։

Աղբյուր` diken.com.tr

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։