Թուրքիայում քրդամետ կուսակցության գրասենյակների վրա հարձակումները պարբերական բնույթ են ստացել. հերթական հարձակումը Մարմարիսում

Իրավական12:36, 14 Հուլիս 2021

Թուրքիայում քրդամետ կուսակցության գրասենյակների վրա հարձակումները պարբերական բնույթ են ստացել. հերթական հարձակումը Մարմարիսում

Հուլիսի 14-ի առավոտյան զինված հարձակում է տեղի ունեցել Թուրքիայի ընդդիմադիր քրդամետ «Ժողովուրդների դեմոկրատական» կուսակցության (ԺԴԿ-HDP)՝ Մուղլա նահանգի Մարմարիսի շրջանի գրասենյակի վրա:

Նշվում է, որ ստացված ահազանգից հետո Մարմարիսի շրջանի ոստիկանական ստորաբաժանումները մեկնել են դեպքի վայր և կարճ ժամանակ անց բերման ենթարկել զինված հարձակումն իրականացրած 28-ամյա քաղաքացուն:

Աղբյուրի հաղորդմամբ, ձերբակալված անձը 3 տարի առաջ նույնպես հարձակում էր գործել ԺԴԿ-ի գրասենյակի վրա՝ կոտրելով պատուհանի ապակիները: Վերջինը այդ արարքի համար քրեական պատասխանատվության էր ենթարկվել «գույքին վնաս հասցնելու մեղադրանքով»:

Նշենք, որ Թուրքիայում ԺԴԿ-ի գրասենյակների վրա հարձակումները սկսել են սիստեմատիկ բնույթ կրել: Հունիսի 17-ին Իզմիր քաղաքում զինված հարձակում էր տեղի ունեցել քրդամետ ընդդիմադիր «Ժողովուրդների դեմոկրատական կուսակցության» (ԺԴԿ-HDP) գրասենյակի վրա։ Հարձակման հետևանքով սպանվել էր գրասենյակի աշխատակիցներից մեկը։

Աղբյուր` gazetekarinca.com.tr

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։