Թուրքիային անհանգստացրել է Մակրոնի հանդիպումը Սիրիայի քրդական պատվիրակության հետ

Քաղաքական13:21, 21 Հուլիս 2021

Թուրքիային անհանգստացրել է Մակրոնի հանդիպումը Սիրիայի քրդական պատվիրակության հետ

Թուրքիայի արտգործնախարարությունը հայտարարություն է տարածել՝ դատապարտելով Ֆրանսիայի նախագահ Էմանուել Մակրոնի հանդիպումը սիրիայի քրդերի կողմից հիմնված «Սիրիայի դեմոկրատական խորհրդի» պատվիրակության հետ:

Թուրքիայի ԱԳՆ խոսնակ Թանժու Բիլգիչի տարածած հայտարարության մեջ պնդում է արվում, որ «Սիրիայի դեմոկրատական խորհուրդը» գործում է Սիրիայի քրդերի զինված ուժերը համարվող «Ժողովրդի պաշտպանության ուժերի» (YPG-ԺՊՈւ) համակարգմամբ, որն էլ, ըստ Անկարայի, հանդիսանում է Թուրքիայի ու մի շարք այլ երկրների կողմից ահաբեկչական համարվող «Քուրդիստանի բանվորական կուսակցության» (PKK-ՔԲԿ) սիրիական ճյուղավորումը:

«Հակառակ մեր բոլոր հորդորներին՝ պառակտող օրակարգ ունեցող և ձեռքերն արյունոտ այս կազմակերպության հետ Ֆրանսիայի հարաբերությունները վնաս են հասցնում Թուրքիայի ազգային անվտանգությանը, Սիրիայի քաղաքական ու տարածքային ամբողջականությանը և տարածաշրջանի կայունությանը միտված ջանքերին»,- ասված է Բիլգիչի տարածած հայտարարության մեջ:

Թուրքիայի իշխանությունները հարևան Սիրիայի հյուսիսում ինքնավարություն ստեղծելու փորձեր արած կամ անող քրդական կազմավորումներին համարում են սպառնալիք իրենց երկրի անվտանգությանը և ամեն կերպ փորձում վիժեցնել այդ կազմակերպությունների ծրագրերը կամ քայքայել ու ոչնչացնել դրանց:

Աղբյուր` Ermenihaber.am

Այս ենթաբաժնի վերջին նորությունները

12:05, 21 նոյ

Թուրքիայի և ԱՄՆ-ի միջև նոր սկանդալ է հասունանում

Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։

17:48, 20 նոյ

Էրդողանն անդրադարձել է Սիրիայի քուրդ զինյալների թեմային

«Մենք բացարձակապես ոչ մի հանդուրժողականություն չունենք մեր սահմաններից դուրս գտնվող այն կառույցների նկատմամբ, որոնք անվտանգության սպառնալիքներ են ստեղծում մեր երկրի համար»։