Թուրքիայի պաշտպանության նախարարը պաշտոնական այցով գտնվում է Պակիստանում

Ռազմական17:47, 11 Օգոստոս 2021

Թուրքիայի պաշտպանության նախարարը պաշտոնական այցով գտնվում է Պակիստանում

Թուրքիայի պաշտպանության նախարար Հուլուսի Աքարը պաշտոնական այցով գտնվում է Պակիստանում։ Այցի ընթացքում Աքարն հանդիպել է Պակիստանի նախագահ Արիֆ Ալվիի, պաշտպանության նախարարի ու պաշտպանական արդյունաբերության նախարարի հետ։

Հանդիպումների ընթացքում Աքարը պակիստանցի պաշտոնյաների հետ քննարկել է թուրք-պակիստանյան հարաբերություններին առչնվող հարցեր, ինչպես նաև տարածաշրջանային խնդիրներ, այդ թվում՝ Աֆղանստանում տեղի ունեցող զարգացումները։

Աքարը շեշտել է, որ առաջիկայում անհրաժեշտ է ընդլայնել թուրք–պակիստանյան համագործակցությունը ռազմական ոլորտում։

Աքարը շեշտել, որ Թուրքիան տարածաշրջանային և միջազգային հարցերում է աջակցություն է ցուցաբերում Պակիստանի դիրքորոշման՝ առաջին հերթին նկատի ունենալով Քաշմիրը հիմնախնդիրը, որը մինչ օրս առկա է Հնդկաստանի և Պակիստանի միջև։

Աքարը նաև Պակիստանի նախագահին է փոխանցել Թուրքիայի նախագահ Ռեջեփ Թայիփ Էրդողանի նամակը, որտեղ թուրքական կողմը Պակիստանի նախագահին հրավիրում է Թուրքիա։

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: