Միջազգային13:43, 06 Հոկտեմբեր 2021
Օմեր Չելիք. «Թուրքիան այս քարոզչության հետևում տեսնում է հայկական սփյուռքի լոբբիստական կառույցներին»
Թուրքիայում իշխող «Արդարություն և զարգացում» կուսակցության (ԱԶԿ-AKP) մամուլի խոսնակը կուսակցության կենտրոնական վարչության նիստից հետո պատասխանել է լրագրողների հարցերին:
Անդրադարձել է ԱՄՆ-ի Ներկայացուցիչների պալատում ընդունված այն որոշմանը, որով պահանջվում է պարզել, թե արդյոք թուրքական «Ազգայնական շարժում» կուսակցության երիտասարդական թևը՝ «Գաղափարապաշտների օջախները» (Ülkü Ocakları՝ կապակցված է «Գորշ գայլերի» հետ) ահաբեկչական կառույց է:
Չելիքը, հիշեցնելով, որ նման գործընթաց եղել է նաև Ֆրանսիայում, շեշտել է, որ տարբեր երկրներում «Գաղափարապաշտների օջախների» անվան տակ արվում են այնպիսի հայտարարություններ և օրենսդրական/իրավական քայլեր, որոնք թիրախավորում են Թուրքիայի քաղաքացիներին:
Չելիքի խոսքով՝ Թուրքիան այս քարոզչության հետևում տեսնում է հայկական սփյուռքի լոբբիստական կառույցներին, իսկ վերջին շրջանում էլ նաև FETÖ-ին (գյուլենականներին):
Ըստ ԱԶԿ-ի խոսնակի՝ չափազանց խնդրահարույց է, որ այս հարցը նման կերպ է ընդունվել ԱՄՆ Կոնգրեսի Ներկայացուցիչների պալատում:
«Նման մոտեցումները վնաս են հասցնում ԱՄՆ-ի ժողովրդավարությանը: Իսկ ամենակարևորն այն է, որ «ահաբեկչություն» եզրի արժեզրկումը, ցավոք, խարխլում է այդ հարցում եղած սկզբունքայնությունը: Մեր քաղաքացիների նման կերպ թիրախավորումը ոչ մի կերպ չենք ընդունում»:
Հիշեցնենք, որ ԱՄՆ-ի 2022 թվականի պաշտպանության բյուրջեի նախագծում (NDAA) ներառվել է մի հոդված, որն ԱՄՆ-ի պետդեպից պահանջում է հետաքննել, թե արդյո՞ք «Գաղափարապաշտների օջախները» համապատասխանում են օտարերկրյա ահաբեկչական կազմակերպություն լինելու չափանիշներին։
Որոշումն ուժի մեջ կմտնի, եթե բյուջեի նախագիծը նույնությամբ ընդունվի Սենատում և ստորագրվի ԱՄՆ նախագահի կողմից։
Այս ենթաբաժնի վերջին նորությունները
Թուրքիայի էներգետիկայի ու բնական պաշարների նախարարը նշել է, որ Թուրքիայի նավթային ընկերությունները Սոմալիում 15 հզ․ քառակուսի կիլոմետր ծովային տարածքում հետախուզման լիցենզիա ունեն։
Նշենք, որ վերոհիշյալ միջանցքը հանդիսանում է Միջին միջանցքի անցումներից մեկը։
Թուրքիայի ընտանիքի և սոցիալական ծառայությունների նախարար Մահնիուր Օզդեմիր Գյոքթաշը ներկա է գտնվել Գվիենայի Ազգային օրվա ընդունելությանը, որը տեղի է ունեցել Անկարայում Գվիենայի դեսպանատանը։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ամերիկյան «Gallup» ուղեղային կենտրոնը մասնակիցներին տվել է «Կկռվե՞ք ձեր երկրի համար» հարցը, որին ի պատասխան՝ հայտնի են դարձել, թե որո՞նք են «Աշխարհի ամենահայրենասեր երկրները»։
Հեռուստաալիքի լրատվական բաժնի տնօրեն Նիհաթ Ուլուդաղն անդրադարձել է տարածաշրջանում Իսրայելի նկրտումներին:
«Պատրաստվել են մեր քաղաքացիներին ծովային կամ օդային տարբերակով տարհանելու համար ալտերնատիվ պլանները»,-ասվել է Թուրքիայի ԱԳՆ հայտարարության մեջ:
Թուրքիայի հետ ենթադրյալ կոռուպցիոն սխեմաների գործով Նյու Յորքի քաղաքապետ Էրիկ Ադամսի հետաքննության շրջանակում նոր սկանդալ է հասունանում Թուրքիայի շուրջ։
Աշխարհահռչակ հայ տնտեսագետը, ով հանդիսանում է նաև Մասաչուսեթսի տեխնոլոգիական ինստիտուտի տնտեսագետ-պրոֆեսոր, անդրադարձել է Թուրքիայի տնտեսական վիճակին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |