Մշակութային15:10, 28 Հոկտեմբեր 2021
Կեսարիայի հունական Ագիոս Պրոկոպիոս պատմական եկեղեցին՝ գանձախուզների թիրախում
Թուրքիայի Կեսարիա նահանգում գտնվող և 164 տարվա պատմություն ունեցող հունական եկեղեցին գանձախույզների կողմից անխնա ավերվում է։ Կեսարիայի Մելիքգազի շրջանի Աղըրնաս թաղամասում գտնվող Ագիոս Պրոկոպիոս եկեղեցին կառուցվել է 1857 թվականին։
Պատմական այս կառույցը տերերի հեռանալուց հետո տարբեր ժամանակներում տարբեր այլ նպատակներով է օգտագործվել։ Իսկ վերջին շրջանում արդեն կիսավեր վիճակում հայտնված եկեղեցին երեխաների խաղատեղի է դարձել։ Պատմական կառույցի պատերին նախկինում եղած սրբապատկերները լիովին ջնջվել են, եկեղեցու պատերի ներքին մակերեսները ամբողջությամբ քերվել են դանակով կամ այլ սուր գործիքներով։ Ավելի ուշ տեղական իշխանությունները փակել են եկեղեցու մուտքերը՝ իրենց համոզմամբ այդ կերպ ինչ-որ չափով կանխելով կառույցի հետագա ավերումը։
Բայց այսօր էլ Ագիոս Պրոկոպիոս եկեղեցին շարունակում է ավերվել գանձ որոնողների անպատասխանատու գործողությունների հետևանքով։ Մշակույթի ոլորտի տեղական պատասխանատուներից Ահմեթ Բեքթաշը եկեղեցու պատմությունը ներկայացնում է այստեղ եկող տեղացի ու արտասահմանցի զբոսաշրջիկներին։ Նա հույս ունի, որ եկեղեցին կվերանորոգվի ու ավելի գրավիչ կդառնա զբոսաշրջիկների համար։
Այս ենթաբաժնի վերջին նորությունները
Նշվում է, որ Ուրֆայում գտնվող հայկական եկեղեցու մի մասը փլուզվել է երկրաշարժի հետևանքով, իսկ մյուս մասը՝ վերածվել մզկիթի։
Թուրքիայում կառուցված մզկիթների թիվը հասնում է 89.000-ի։
հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այդ համագործակցության մասին առաջին անգամ հայտարարել է «Ռոսատոմ» ատոմային էներգետիկ պետական ընկերության ղեկավար Ալեքսեյ Լիխաչովը:
Հունական «Kathimerini» թերթը գրում է, որ Նյու Յորքում կայացած հունական սփյուռքի միջոցառման ժամանակ այդ մասին հայտնել է Գրեգորի Միքսը։
Գեդեոն Սաարի հայտարարությանն արձագանքել է Թուրքիայի արտաքին գերատեսչությունը այն համարելով լկտի հայտարարություն։
«Hürriyet» թերթի վերլուծաբան Աբդուլքադիր Սելվին անդրադարձել է «ՔԲԿ»-ի հիմնադիր առաջնորդ Աբդուլլահ Օջալանի (Ափո) զենքերը վայր դնելու և կուսակցությունը լուծարելու կոչին։
Այդ մասին հայտարարություն է տարածել Թուրքիայի նախագահականին կից հանրային կապերի վարչությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |