Ուկրաինական ընկերությունը շարժիչներ կմատակարարի թուրքական ԱԹՍ-ների համար

Ռազմական18:27, 12 Նոյեմբեր 2021

Ուկրաինական ընկերությունը շարժիչներ կմատակարարի թուրքական ԱԹՍ-ների համար

Թուրքական «Bayraktar TB2» ԱԹՍ-ներն արտադրող «Baykar Makina» և ուկրաինական «Իվչենկո Պրոգրես» ընկերությունները համագործակցության մասին մի քանի փաստաթուղթ են ստորագրել:

Ըստ այդ պայմանագրերի՝ ուկրաինական ընկերությունը պետք է ապահովի «Baykar»-ի նոր նախագծերի շարժիչների մատակարարումը և ինտեգրումը:

Թուրքական ընկերության գլխավոր տնօրեն Հալուք Բայրաքթարը հայտնել է, որ իրենց նոր նախագծի՝ անօդաչու մարտական ինքնաթիռի համար ստորագրվել է 2 պայմանագիր՝ «AI-322F շարժիչի մատակարարման» և «AI-25TLT շարժիչի ինտեգրման» մասին:

Բացի այս երկու ընկերությունների միջև համաձայնություն է ձեռք բերվել «Akıncı» ԱԹՍ-ի համար որպես այլընտրանք մեկ այլ` MS500 տեսակի շարժիչի ինտեգրման շուրջ: «Akıncı» ԱԹՍ-ն շահագործման է հանձնվել այս տարի և աշխատում է ուկրաինական ընկերության արտադրած AI-450 շարժիչով:

Աղբյուր` Ermenihaber.am

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: