Թուրք ուժայինները սպանել են քուրդ զինյալների ղեկավարներից մեկին

Ռազմական15:11, 07 Դեկտեմբեր 2021

Թուրք ուժայինները սպանել են քուրդ զինյալների ղեկավարներից մեկին

Թուրքիայի ոստիկանական ուժերի կողմից անօդաչու թռչող սարքերի աջակցությամբ իրականացված հատուկ օպերացիայի արդյունքում սպանվել է Թուրքիայում ահաբեկչական համարվող «Քուրդիստանի բանվորական կուսակցություն» (ՔԲԿ-PKK) ռազմաքաղաքական կազմակերպության ղեկավար կազմի անդամներից «Ռուբար» կեղծանվամբ հայտնի Ֆերհաթ Թունչը։ Այս մասին Twitter-ում հայտնել է Թուրքիայի ներքին գործերի նախարար Սուլեյման Սոյլուն։

Թունչը PKK-ի Թուրքիայի հարավարևելյան Շանլըուրֆա («Գափ-Ռըհա») նահանգի պատասխանատուն էր։ Նա հայտնվել էր Թուրքիայի ներքին գործերի նախարարության կողմից ահաբեկչական գործունեության համար որոնվող անձանց ցուցակում։

Թուրքիայի ՆԳՆ-ի տարածած հաղորդագրության համաձայն՝ Թունչը բնակվել է Ուրֆա նահանգի Բոզովա շրջանի Հաջըլար գյուղում։ Նշվում է, որ Թունչի մոտ հայտնաբերվել է 1 ատրճանակ, 2 նռնակ և կառույցի բազմաթիվ փաստաթղթեր։

Աղբյուր` Rudaw.net

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: