Ուկրաինայում թուրքական Bayraktar TB2 հարվածային ԱԹՍ-ների արտադրություն է սկսվել

Ռազմական15:20, 27 Դեկտեմբեր 2021

Ուկրաինայում թուրքական Bayraktar TB2 հարվածային ԱԹՍ-ների արտադրություն է սկսվել

Ուկրաինան սկսել է Bayraktar TB2 հարվածային ԱԹՍ-ների արտադրությունը: Այդ մասին հայտարարել է Ուկրաինայի նախագահի աշխատակազմի ղեկավար Անդրեյ Երմակը:

«Մենք ընդլայնում ենք համագործակցությունը Թուրքիայի հետ։ Ամեն ինչ սկսվեց Bayraktar-ների մատակարարումներից, իսկ այժմ դրանց արտադրությունն արդեն սկսվել է Ուկրաինայում»,- նշել է Երմակը:

Վերջինիս խոսքով՝ Կիևն Արևմտյան գործընկերների աջակցությամբ այլ մեծածվալ նախագծեր էլ է իրականացնում: Այս համատեքստում Երմակը հայտնել է Միացյալ Թագավորության հետ 2.2 մլրդ դոլարանոց և Ֆրանսիայի հետ 1.3 մլրդ եվրո արժողությամբ սպառազինության ձեռքբերման պայմանագրերի մասին:

Հիշեցնենք, որ սեպտեմբերի 29-ին Baykar Savunma ընկերությունը և Ուկրաինայի պաշտպանության նախարարությունը համաձայնագիր էին կնքել Կիևի շրջանում կենտրոնի կառուցման մասին, որտեղ պետք է իրականացնեին անձնակազմի ուսուցում, ինչպես նաև թուրքական Bayraktar ԱԹՍ-ների փորձարկումներ և սպասարկում:

Աղբյուր` Gunes

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: