Գերմանիան կշարունակի մարզել Իրաքյան Քուրդիստանի զինված ուժերին

Ռազմական12:20, 13 Հունվար 2022

Գերմանիան կշարունակի մարզել Իրաքյան Քուրդիստանի զինված ուժերին

Գերմանիայի դաշնային կառավարությունը որոշում է կայացրել ևս 9 ամսով երկարաձգել Իրաքում և Իրաքյան Քուրդիստանում տեղակայված զորախմբի ծառայություն ժամկետը:

«Իսլամական պետություն» ահաբեկչական կազմակերպության դեմ պայքարում Իրաքի զինուժին ու քրդական ինքնավարության զորքերին (Փեշմերգա) օգնելու նպատակով այդ երկրում գտնվող գերմանական զորախմբի թվաքանակը կսահմանափակվի 500-ով:

Թեմայի վերաբերյալ Twitter-ում գրառում է արել Իրաքյան Քուրդիստանի ղեկավար Նեչիրվան Բարզանին՝ գոհունակություն հայտնելով Գերմանիայի կառավարության որոշման կապակցությամբ: Բարզանին հույս է հայտնել, որ Գերմանիայի խորհրդարանը կհաստատի խորհրդարանի որոշումը և հիշեցրել, որ ԻՊ-ն դեռ վերջնական չի ջախջախվել և շարունակում է վտանգ ներկայացնել ողջ տարածաշրջանի համար:

Նշենք, որ գերմանացի զինվորականները տևական ժամանակ է, ինչ մարզում են Իրաքի ու Քուրդիստանի կառավարության զինված ուժերին՝ ԻՊ-ի դեմ դրանց պայքարն ավելի արդյունավետ դարձնելու նպատակով: Ավելի վաղ գերմանական կողմը նաև ռազմատեխնիկակն աջակցություն էր ցուցաբերել Փեշմերգային։

Աղբյուր` Rudaw

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: