Քաղաքական16:55, 21 Հունվար 2022
Պոլսահայ գործիչները՝ հայ-թուրքական գործընթացի մասին
Թուրքական «Hürriyet» լրատվական կայքում հրապարակված հոդվածում ներկայացվել է պոլսահայ համայնքի ներկայացուցիչների վերաբերմունքը հայ-թուրքական հարաբերությունների կարգավորման գործընթացի վերաբերյալ:
Ներկայացվել են մասնավորապես Պոլսի հայոց պատրիարք Սահակ Մաշալյանի, գործարար Տիգրան Գյուլմեզգիլի, լրագրող Երվանդ Տանձիկյանի, ինչպես նաև համայնքային գործիչ Թորոս Ալջանի կարծիքները հայ-թուրքական գործընթացի վերաբերյալ:
Պոլսի հայոց պատրիարք Սահակ Մաշալյանը թեմայի վերաբերյալ ասել է հետևյալը.
«Պետք է ընդունենք, որ արժեքավոր են բոլոր այն քայլերը, որոնք ինչպես ներդրումային, այնպես էլ մշակութային տեսանկյունից կառողջացնեն հարուստ պատմություն ունեցող երկու հարևան երկրների հարաբերությունները: Պոլսահայերի համար չափազանց կարևոր է, որ հարաբերությունները օրեցօր բարելավվեն, որպեսզի երկու հասարակությունները միմյանց ճանաչեն, կարողանան միասին աշխատել, ներդրումներ անել և այս ուղղությամբ հարուստ մշակութային արժեքները մեկ գետնի վրա հանդիպեն»:
Իր հերթին Քարագյոզյան հիմնադրամի դպրոցների խորհրդի նախագահ, գործարար Տիգրան Գյուլմեզգիլը նշել է. «Թուրքիան արդեն այս պահից սկսած Հայաստանին ամեն հարցում պետք է ձեռք մեկնի: Թուրքիան Հայաստանի համար պետք է մեծ եղբոր պես լինի (հովանավորություն անի): Շատ լավ զարգացում է»:
Իսկ ահա «Ակոս» թերթի գլխավոր խմբագիր Երվանդ Տանձիկյանն ասել է.
«Թռիչքների մեկնարկն ինձ մոտ լավատեսություն է առաջացրել: Պետք է սահմանները բացվեն, դիվանագիտական հարաբերություններն էլ՝ կարգավորվեն: Սա պետք է առաջին քայլը լինի: Հարաբերությունները պետք է էլ ավելի ընդլայնվեն»:
Թուրքիայի փոքրամասնությունների հիմնադրամների անդամ Թորոս Ալջանի կարծիքն էլ այսպիսինն է.
«Դրական և ուշացած քայլ եմ համարում: Հուսով եմ, որ խաղաղության մթնոլորտը կվերադառնա։ Առանց պատերազմների նոր բարեկամության դուռը կբացվի»:
Այս ենթաբաժնի վերջին նորությունները
Հաքան Ֆիդանն ու Մարկո Ռոբիոն պայմանավորվել են սերտացնել թուրք-ամերիկյան համագործակցությունը։
Օրակարգում եղել են երկկողմ հարաբերություններն ու տարածաշրջանային և համաշխարհային զարգացումները:
Ապրիլի 15-ին Թուրքիայի նախագահի գլխավորությամբ տեղի կունենա հերթական նիստը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Թուրքական ԶԼՄ-ների համաձայն՝ 28 տարեկան Ադիրը կորել է Թուրքիա-Հայաստան սահմանն ապօրինի հատելիս:
Անթալիայի 4-րդ դիվանագիտական ֆորումի ընթացքում Թուրքիայի նախագահ Ռեջեփ Թայիփ Էրդողանը հանդիպել է Ադրբեջանի նախագահ Իլհամ Ալիևի հետ։
Դիմիտրիոս Խուպիսը մասնակցել է Դելֆիի 10-րդ տնտեսական ֆորումին, որտեղ անդրադառնալով Թուրքիային նշել է, որ այդ երկիրը շարունակական սպառնալիք է ներկայացնում։
Թուրքական մամուլում վերոնշյալը ներկայացվել է որպես հակաթուրքական լոբբի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |