Թուրքիայում փորձել են Աթաթուրքի արձանը ցած գցել պատվանդանից

Իրավական13:56, 04 Փետրվար 2022

Թուրքիայում փորձել են Աթաթուրքի արձանը ցած գցել պատվանդանից

Թուրքիայի Սամսուն քաղաքում անհայտ անձինք հարձակում են գործել Թուրքիայի Հանրապետության հիմնադիր Մուստաֆա Քեմալ Աթաթյուրքի արձանի վրա: Հարձակումը, սակայն, անհայտ հանգամանքներով հնարավոր չի եղել ավարտին հասցնել:

Հաղորդվում է, որ փետրվարի 3-ին անհայտ անձինք պարաններ են փաթաթել ձիու ոտքերին, որի վրա բազմած դիրքով քանդակված է Աթաթուրքը, և փորձել են պարաններից քաշելով, ցած գցել արձանը: Ոստիկանությունը տարածքը տեսահսկող սարքերի տեսանյութերից պարզել է, որ հարձակվողները նաև մեքենա են մոտեցրել արձանին:

Ավելի ուշ Սամսունի նահանգապետարանը հայտարարել է, որ ոստիկանության ծառայողներն արդեն ձերբակալել են գործով 2 կասկածյալի:

Մեկ այլ հարձակում էլ տեղի է ունեցել արդեն փետրվարի 3-ի լույս 4-ի գիշերը: Այս անգամ հարձակվողները վառել են Էդիրնեյի Ուզունքյոփրյու շրջանի Արդարության հուշարձանը: Կեսգիշերին մոտ անհայտ անձիք դյուրավառ նյութով հրդեհել են արձանը: Դեպքի վայր ժամանած հրդեհներին հաջողվել է մարել կրակը, սակայն արձանը լրջորեն վնասվել է:

Նշվում է, որ այս միջադեպի առիթով ևս քրեական գործ է հարուցվել, պատկան մարմիններն աշխատանք են տանում մեղավորներին հայտնաբերելու համար:

Աղբյուր` Gazeteduvar

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։