Հունաստանի վարչապետ. «ՆԱՏՕ-ն Թուրքիային չպիտի վերաբերվի մյուս անդամների պես հավասար»

Քաղաքական14:58, 16 Փետրվար 2022

Հունաստանի վարչապետ. «ՆԱՏՕ-ն Թուրքիային չպիտի վերաբերվի մյուս անդամների պես հավասար»

ՆԱՏՕ-ն չպետք է Թուրքիային մյուս անդամներին հավասար վերաբերվի: Այս մասին հայտարարել է Հունաստանի վարչապետ Կիրիակոս Միցոտակիսը խորհրդարանում «Հունաստանի պաշտպանունակության բարձրացման մասին» օրենքի նախագծի քննարկման ընթացքում:

Միցոտակիսը, ելույթի ժամանակ անդրադառնալով Թուրքիային, ասել է. «Հունաստանն իր ուժերի վրա վստահ երկիր է, սակայն Արևմուքն էլ պետք է հասկանա մի բան. ՆԱՏՕ-ի անդամները Ռուսաստանի դեմ ընդհանուր ճակատից են խոսում, մինչդեռ Թուրքիայի՝ դաշինքից դուրս զենք գնելը հակասում է դրան: Այդ պատճառով էլ ՆԱՏՕ-ն Թուրքիային չպիտի վերաբերվի մյուս անդամների պես հավասար»:

Հունաստանի վարչապետը պնդել է նաև, որ Թուրքիան սպառնում է Էգեյան ծովի կղզիների նկատմամբ Հունաստանի ինքնիշխանությանը:

Նշենք, որ արդեն ընդունված «Հունաստանի պաշտպանունակության բարձրացման մասին» օրենքով թույլ է տրվում Ֆրանսիայից գնել 6 «Rafale» կործանիչ, 3 «Belharra» ֆրեգատ (ռազմանավ) և տորպեդներ առկա սուզանավերի համար:

Ավելի վաղ Հունաստանը Ֆրանսիայի հետ 18 «Rafale» կործանիչի գնման փաստաթուղթ էր ստորագրել, ինչի շրջանակներում 6 կործանիչների խմբաքանակն արդեն մատակարարվել է Աթենքին:

Աղբյուր` Milliyet

Այս ենթաբաժնի վերջին նորությունները

12:37, 04 ապր

Թուրքիայի արտգործնախարարը ՆԱՏՕ-ում կանցկացնի մի շարք հանդիպումներ

Հաքան Ֆիդանը կմասնակցի Ասիա-Խաղաղօվկիանոսյան և ՆԱՏՕ-Ուկրաինա խորհրդի նիստերին։

10:03, 04 ապր

Թուրքիայի ԱԳՆ. «Իսրայելն ապակայունացնում է տարածաշրջանը»

Թուրքիան խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները, ինչպես նաև տարածաշրջանում այդ երկրի իրականացվող գործողությունները:

15:02, 03 ապր

ԵԽ-ն մտադիր է դիտորդներ ուղարկել Թուրքիա՝ տեղում իրավիճակին ծանոթանալու համար

Նման սցենար քննարկվել է Էքրեմ Իմամօղլուի մարտի 23-ի կալանավորումից հետո Եվրոպայի խորհրդի տեղական և տարածաշրջանային ղեկավարությունների կոնգրեսի հրատապ քննարկմանը: