Մուստաֆա Դեսթիջի. «Եթե այսօր Ռուսաստանին չկանգնեցնեն Ուկրաինայում, վաղը նա կհասնի Կարս ու Արդահան»

Քաղաքական16:19, 02 Մարտ 2022

Մուստաֆա Դեսթիջի. «Եթե այսօր Ռուսաստանին չկանգնեցնեն Ուկրաինայում, վաղը նա կհասնի Կարս ու Արդահան»

Թուրքիայում իշխող «Ժողովուրդ» դաշինքի (Cumhur İttifakı) անդամ «Մեծ միասնություն» կուսակցության առաջնորդ Մուստաֆա Դեսթիջին ուշագրավ հայտարարություն է արել Ռուսաստանի նկատմամբ Թուրքիայի վարած քաղաքականության վերաբերյալ։

Նա նշել է, որ Թուրքիան պիտի «ընդդիմանա Ռուսաստանի ներխուժմանն Ուկրաինա», քանի որ եթե Ուկրաինայում Ռուսաստանը չկանգնեցվի, կարող է նաև հասնի Կարսի և Արդահանի սահմաններին։

«Մենք պետք է հստակ լինենք, հստակ դիրքավորվենք։ Մենք պետք է լինենք այն երկիրը, որն իր ձայնն ամենաուժեղը կբարձրացնի այս օկուպացիայի դեմ, քանի որ եթե Ռուսաստանն այսօր այստեղ չկանգնեցվի ու հաջողության հասնի, ապա վաղը նրա թիրախը կլինեն թյուրքական պետությունները և թյուրքական հանրույթները։ Կարծես այսքանը բավական չէ, նա [Վ․ Պուտինը-խմբ․] դեռ Լենինին է հղում անում։ Ոչ ոք չպետք է զարմանա, եթե նա հասնի Կարսի և Արդահանի մեր սահման»-հայտարարել է Դեսթիջին։

Վերջինս նաև նշել է, որ Թուրքիան առանց պատերազմի մեջ մտնելու պետք է այժմ նախազգուշական միջոցներ ձեռնարկի, եթե ցանկանում է, որ աշխարհին և հարևաններին իր կողքին տեսնի։

Աղբյուր` Milligazete.com.tr

Այս ենթաբաժնի վերջին նորությունները

11:38, 22 նոյ

Թուրքիան BRICS-ի հետ համագործակցելու առաջարկ է ստացել

Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։

12:05, 21 նոյ

Թուրքիայի և ԱՄՆ-ի միջև նոր սկանդալ է հասունանում

Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։

17:48, 20 նոյ

Էրդողանն անդրադարձել է Սիրիայի քուրդ զինյալների թեմային

«Մենք բացարձակապես ոչ մի հանդուրժողականություն չունենք մեր սահմաններից դուրս գտնվող այն կառույցների նկատմամբ, որոնք անվտանգության սպառնալիքներ են ստեղծում մեր երկրի համար»։