Էրդողանի ու Ալիևի 4 ժամանոց քննարկման թեմաներից մեկը եղել է «Զանգեզուրի միջանցքը»

Քաղաքական11:04, 11 Մարտ 2022

Էրդողանի ու Ալիևի 4 ժամանոց քննարկման թեմաներից մեկը եղել է «Զանգեզուրի միջանցքը»

Մարտի 10-ին Թուրքիայի նախագահ Ռեջեփ Թայիփ Էրդողանը հանդիպել է մեկօրյա աշխատանքային այցով Անկարայում գտնվող Ադրբեջանի նախագահ Իլհամ Ալիևի հետ:

Շուրջ 4 ժամ տևած հանդիպումից հետո Թուրքիայի նախագահականի հանրային կապերի վարչությունից տարածել են տեղեկություն այն մասին, որ նախագահները քննարկել են թուրք-ադրբեջանական հարաբերությունները, տարածաշրջանային խնդիրները, այդ թվում ռուս-ուկրաինական պատերազմի վերջին զարգացումները:

Կողմերը շեշտել են իրենց վճռականությունը «եղբայրության և բարեկամության հիման վրա զարգացող Թուրքիա-Ադրբեջան հարաբերությունները բոլոր ոլորտներում ավելի ամրապնդելու հարցում»:

Հիշյալ հանդիպմանը քննարկվել են «Շուշիի հռչակագրով» համաձայնեցված թուրք-ադրբեջանական ռազմավարական համագործակցության խորացման և զարգացման համար կատարվելիք քայլերը: Բացի այդ քննարկվել են «Զանգեզուրի միջանցքի» և Թուրքիա-Նախիջևան գազատարի նախագծի հետ կապված հարցեր:

Ալիևն ու Էրդողանը կարծիքներ են փոխանակել նաև Թուրքիա-Ադրբեջան համագործակցությամբ Եվրոպայի էներգետիկ անվտանգությանը նպաստելու թեմայով:

Աղբյուր` Ermenihaber.am

Այս ենթաբաժնի վերջին նորությունները

12:37, 04 ապր

Թուրքիայի արտգործնախարարը ՆԱՏՕ-ում կանցկացնի մի շարք հանդիպումներ

Հաքան Ֆիդանը կմասնակցի Ասիա-Խաղաղօվկիանոսյան և ՆԱՏՕ-Ուկրաինա խորհրդի նիստերին։

10:03, 04 ապր

Թուրքիայի ԱԳՆ. «Իսրայելն ապակայունացնում է տարածաշրջանը»

Թուրքիան խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները, ինչպես նաև տարածաշրջանում այդ երկրի իրականացվող գործողությունները:

15:02, 03 ապր

ԵԽ-ն մտադիր է դիտորդներ ուղարկել Թուրքիա՝ տեղում իրավիճակին ծանոթանալու համար

Նման սցենար քննարկվել է Էքրեմ Իմամօղլուի մարտի 23-ի կալանավորումից հետո Եվրոպայի խորհրդի տեղական և տարածաշրջանային ղեկավարությունների կոնգրեսի հրատապ քննարկմանը: