Քաղաքական11:21, 23 Մարտ 2022
Թուրքիայում պաշտոնապես վավերացվել է «Շուշիի հռչակագիրը»
Թուրքական պաշտոնական «Resmi Gazete» թերթը տեղեկացնում է, որ Թուրքիայի և Ադրբեջանի միջև 2021-ի հունիսի 15-ին ստորագրված «Շուշիի հռչակագիրը» պաշտոնապես վավերացվել է:
Թուրքական «Yenicaggazetesi» կայքն անդրադարձել է հռչակագրի վավերացմանը՝ հիշեցնելով, որ հռչակագորւմ նաև «Հարավային գազային միջանցքի» վերաբերյալ շեշտադրումներ կան:
«Նախագահի թիվ 5340 հրամանագրով վավերացվել է Թուրքիայի Հանրապետության և Ադրբեջանի Հանրապետության միջև դաշնակցային հարաբերությունների մասին Շուշայի հռչակագիրը։
Հռչակագիրը նախատեսում է Թուրքիայի և Ադրբեջանի միջև բարեկամական և բազմակողմ համագործակցության խորացում: Երկու երկրների քաղաքական, տնտեսական, առևտրային, մշակութային, առողջապահական, կրթական, մարզական և հատկապես ռազմական ներուժը կիրացվի և համագործակցություն կլինի բոլոր բնագավառներում»։
«Շուշիի հռչակագրում» նշվում է, որ «ադրբեջանական հողերն ազատագրվել են 30-ամյա օկուպացիայից»։
Հռչակագրի շրջանակներում Թուրքիայի և Ադրբեջանի միջև էներգետիկ ոլորտում նախատեսվում է իրականացնել տարբեր նախագծեր: Հռչակագրում տեղ գտած ձևակերպումների համաձայն՝ Թուրքիան և Ադրբեջանն առաջատար դեր կխաղան ռազմավարական «Հարավային գազային միջանցքի» գործարկման հարցում, որը կապահովի բնական գազի պաշարների և հոսքագծերի դիվերսիֆիկացում, ինչը նպաստում է տարածաշրջանի և Եվրոպայի էներգետիկ անվտանգությանը: Թուրքիան և Ադրբեջանը կաշխատեն համակարգված՝ Հարավային գազային միջանցքի արդյունավետ օգտագործման և հետագա զարգացման ուղղությամբ։ Երկու երկրները կնպաստեն նաև էլեկտրաէներգիայի ոլորտում տարածաշրջանային համագործակցությանը, որպեսզի ամրապնդվի տարածաշրջանի էներգետիկ մատակարարման անվտանգությունը՝ հաշվի առնելով համաշխարհային էներգետիկ ոլորտում տեղի ունեցող զարգացումները։
Հռչակագրում ընդգծվում է նաև Ադրբեջանի արևմտյան շրջանների և Նախիջևանի Ինքնավար Հանրապետության միջև միջանցքի («Զանգեզուրի միջանցք») բացման և Նախիջևան-Կարս երկաթուղու կառուցման կարևորությունը՝ որպես միջանցքի շարունակություն։
Ազգամիջյան /միջպետական-խմբ./ համաձայնագիր
Որոշում N 5340
Թուրքիայի նախագահի թիվ 9 հրամանագրի 2-րդ և 3-րդ հոդվածների համաձայն՝ որոշում է կայացվել վավերացնել «Թուրքիայի Հանրապետության և Ադրբեջանի Հանրապետության միջև դաշնակցային հարաբերությունների վերաբերյալ Շուշիի հռչակագիրը»։
Այս ենթաբաժնի վերջին նորությունները
Սեպտեմբերի 15-ից Ստամբուլի Քարթալ թաղամասից մեկնարկած երթը շուտով կհասնի Անկարա: Մանսակիցներն իրենց բողքոն են արտահայտում Ինջիրլիքում ՆԱՏՕ-ի ռազմաբազայի դեմ:
Նիդերլանդների կենտրոնական բանկի նախագահ Կլաաս Քոնթ. «Կենտրոնական բանկը ճիշտ ուղղու վրա է: Ի վերջո կհաջողի»:
Հանդիպման վերաբերյալ մանրամասներ չեն հաղորդվում ու նշվում է, որ այն ընթացել է մամուլի համար փակ ռեժիմով։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Իսրայելի ներքին անվտանգության և հակահետախուզության «Շաբաք» գործակալությունը հայտնում է Իսրայելի վարչապետի սպանությունը կանխելու մասին:
Սեպտեմբերի 15-ից Ստամբուլի Քարթալ թաղամասից մեկնարկած երթը շուտով կհասնի Անկարա: Մանսակիցներն իրենց բողքոն են արտահայտում Ինջիրլիքում ՆԱՏՕ-ի ռազմաբազայի դեմ:
ԱԶԿ-ականները պաշտոնից հեռացել են մարտի 31-ին անցկացված տեղական ինքնակառավրման մարմինների ընտրություններում կրած պարտության հետևանքով:
«Անսահման եղբայրություն-3» զորավարժությանը մասնակցել են նաև Ղազախստանի, Ադրբեջանի, Ուզբեկստանի, Կատարի և Պակիստանի հատուկ ջոկատայինները:
ՆԱՏՕ գլխավոր քարտուղար Յենս Ստոլտենբերգը հեկտեմբերի 1-ին պաշտոնը լքելուց առաջ ելույթ է ունեցել «Գերմանական մարշալի հիմնադրամ»-ի միջոցառման շրջանակներում:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |