Վիկտորիա Նուլանդ. «Ուկրաինայի օրինակով թուրքերը հասկացան, որ ՌԴ-ից գնած զենքն առավելություն չի տալիս»

Քաղաքական12:16, 06 Ապրիլ 2022

Վիկտորիա Նուլանդ. «Ուկրաինայի օրինակով թուրքերը հասկացան, որ ՌԴ-ից գնած զենքն առավելություն չի տալիս»

ԱՄՆ պետքարտուղարի քաղաքական հարցերով տեղակալ Վիկտորիա Նուլանդը, ով աշխատանքային այցով գտնվում էր Թուրքիայում, հարցազրույց է տվել թուրքական NTV լրատվամիջոցին:

Նախքան հարցազրույցն ամերիկացի պաշտոնյան հանդիպում էր ունեցել Թուրքիայի նախագահ Ռեջեփ Թայիփ Էրդողանի մամուլի խոսնակ Իբրահիմ Քալընի հետ և խոսել հայ-ադրբեջանական հարաբերությունների մասին:

Իսկ հարցազրույցի ժամանակ Նուլանդն անդրադարձել է թուրք-ամերիկյան հարաբերություններին՝ առաջնահերթ խոսելով հերթին Թուրքիայի կողմից Ռուսաստանից գնված S-400 ՀՕՊ համակարգերից, ինչպես նաև ամերիկյան արդիականացված F-16 կործանիչներից, որոնք Անկարան ակնկալում է ստանալ ԱՄՆ-ից:

«Որպես ՆԱՏՕ-ի դաշնակից՝ Թուրքիան որոշում կայացրեց Ռուսաստանից գնել ՀՕՊ համակարգեր: Այս հարցը մեզ մտահոգում է, քանի որ նման իրավիճակը ՆԱՏՕ-ի օգտին չէ բնավ: Կարծում եմ, որ թե՛ Թուրքիայի ղեկավարությունը և թե՛ Թուրքիայի քաղաքացիներն Ուկրաինայի օրինակով ակնհայտ տեսան, որ Ռուսաստանից գնված զինամթերքը, ՀՕՊ համակարգը որևէ առավելություն չի տալիս: Իսկ F-16 կործանիչների հարցում մենք շարունակում ենք բանակցությունները»,- ասել է Նուլանդը։

Աղբյուր` Haber 7

Այս ենթաբաժնի վերջին նորությունները

12:05, 21 նոյ

Թուրքիայի և ԱՄՆ-ի միջև նոր սկանդալ է հասունանում

Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։

17:48, 20 նոյ

Էրդողանն անդրադարձել է Սիրիայի քուրդ զինյալների թեմային

«Մենք բացարձակապես ոչ մի հանդուրժողականություն չունենք մեր սահմաններից դուրս գտնվող այն կառույցների նկատմամբ, որոնք անվտանգության սպառնալիքներ են ստեղծում մեր երկրի համար»։