Թուրքիան նախատեսում են սկսել «Atak» ուղղաթիռների մատակարարումը Պակիստանին

Ռազմական12:29, 11 Ապրիլ 2022

Թուրքիան նախատեսում են սկսել «Atak» ուղղաթիռների մատակարարումը Պակիստանին

Թուրքիան նախատեսում է մոտ ապագայում սկսել «T129 ATAK» ուղղաթիռների հետաձգված մատակարարումները Պակիստանին:

Ըստ թուրքական մամուլի՝ դրանք կարող են տեղի ունենալ առաջիկա օրերին: Աղբյուրը, սակայն, չի հաղորդում, թե արդյոք Վաշինգտոնը թույլատրել է ուղղաթիռների համար ամերիկյան շարժիչների մատակարարումը: Պակիստանի հետ Թուրքիայի կնքած պայմանագրի համաձայն՝ Անկարան արդեն պետք է իրականացրած լիներ 30 ուղղաթիռի մատարարարումը Իսլամաբադին, սակայն դա չէր ստացվում, քանի որ ԱՄՆ-ի իշխանություններն արգելել էին թուրքական ուղղաթիռների համար շարժիչների մատակարարումը: Նշենք, որ 30 ուղղաթիռի առքուվաճառքի պայմանագիրը գնահատվում է 1.5 մլր դոլար:

«Turkish Aerospace Industries» (TUSAŞ) ընկերության կողմից արտադրվող T129 ATAK բազմաֆունկցիոնալ հետախուզական ուղղաթիռների առաջին արտահանման հասցեատերը մոտ օրերս կլինեն Ֆիլիպինները: Ֆիլիպինների հետ պայմանագիր է կնքվել 6 ուղղաթիռի համար, և նախատեսվում է, որ ընթացքում խմբաքանակը կավելացվի: Ի սկզբանե այդ ուղղաթիռներն արտադրվել են Թուրքիայի ներքին կարիքների համար, ինչի շրջանակներում մինչ օրս Թուրքիայի օդուժին մատակարարվել է 70 ուղղաթիռ։

Աղբյուր` haberler.com

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: