Իրավական11:49, 19 Ապրիլ 2022
Ընդդիմադիր կին գործիչը՝ Էրդողանին. «Դուք եք այս խայտառակության հեղինակը»
Թուրքիայի ընդդիմադիր քրդամետ «Ժողովուրդների դեմոկրատական կուսակցության» (ԺԴԿ-HDP) փոխնախագահ Մերալ Դանըշ Բեշթաշը Թուրքիայի խորհրդարանում մամուլի ասուլիս է հրավիրել։ Ի թիվս այլ թեմաների՝ նա անդրադարձել է նախագահ Ռեջեփ Թայիփ Էրդողանին, երբ վերջինս ասել էր. «Մենք վճռական ենք տրամադրված դուրս բերել մեր երկիրը կանանց սպանությունների ու նրանց դեմ գործադրվող բռնությունների այս խայտառակությունից»։
Բեշթաշը հայտարարել է, որ այդ խայտառակության հեղինակը հենց Էրդողանն է։
«Ո՞վ է ստեղծել այդ խայտառակ վիճակը: Ո՞վ է հետ կանչել իր ստորագրությունը Ստամբուլյան կոնվենցիայից: Ո՞վ է իշխանության մեջ: Ո՞վ է, որ ընդհանրապես չի խուսափում կանանց նկատմամբ բռնություն արտահայտող հռետորաբանությունից: Այդ ամոթը հենց դուք եք ստեղծել...
Կանանց նկատմամբ բռնությունները, հալածանքները և սպանությունները քաղաքական են։ Սա այն սկզբունքն է, որի վրա կանգնած են կանանց իրավունքների պաշտպաններն ամբողջ աշխարհում։ Կանանց սպանությունները չեն կարող որակվել որպես անձնական խնդիրներ կամ էլ ամոթալի մի բան: Դա ամենածանր հանցագործություններից մեկն է»:
Բեշթաշը նաև քննադատել է օրինապահ մարմինների գործողությունները՝ ասելով, որ խոշտանգումների հեղինակները չեն հետաքննվում, սպանության հեղինակները չեն հետաքննվում, մինչդեռ հետաքննվում, հետապնդվում, դատվում և դատապարտվում են մարդիկ, որոնք պարզապես սպանությունների և խոշտանգումների մասին տեղեկատվություն են ապահովել։
«Կանանց նկատմամբ կիրառվող բռնության դեմ պայքարելու փոխարեն իշխանությունները թիրախ են դարձնում այն ինստիտուտները, որոնք իսկապես պայքարում են կանանց նկատմամբ բռնության դեմ: Դատական հայց է ներկայացվել «Մենք կդադարեցնենք կանանց սպանությունները» կազմակերպության դեմ: Սարսափելի է: Ինչո՞ւ եք ուզում փակել հանրային շահի օգտին գործող կազմակերպությունը։։ Որովհետև ցանկանում եք կոծկել սպանությունները, ահա թե ինչու», - դժգոհել է Բեշթաշը։
Անդրադառնալով տնտեսական ճգնաժամին և Թուրքիայի վիճակագրական ինստիտուտի տվյալներին (TÜIK) էլ Բեշթաշն ասել է. «Գնաճը հասնում է 150 տոկոսի: TÜIK-ի միջոցով այս թվերը փորձում են ցածր ցույց տալ: Ամեն ինչ արվում է, որպեսզի անկախ կառույցները չբացահայտեն սա։ Ինչ է, երբ TÜIK-ը ցածր թվեր է ցույց տալիս, գնաճը նվազու՞մ է: Թուրքիայի պատմության մեջ աննախադեպ այս գնաճի դեմ նման մեթոդներով հնարավոր չէ պայքարել»։
Այս ենթաբաժնի վերջին նորությունները
«BBC News»-ի գործադիր տնօրեն Դեբորա Թյորնեսը հայտնել է, որ կատարվածը խորապես մտահոգիչ է և դա կքննարկեն Թուրքիայի իշխանությունների հետ։
Ստամբուլի ընդդիմադիր քաղաքապետի ձերբակալումից հետո Թուքրիայի մի շարք քաղաքներում ընթանում են ցույցեր։
Ստամբուլի ընդդիմադիր քաղաքապետ Էքրեմ Իմամօղլուի ձերբակալումից հետո Թուրքիայի մի շարք խոշոր քաղաքներում բողոքի ակցիաներ ու ցույցեր են ընթանում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հունական «Kathimerini» թերթը գրում է, որ Նյու Յորքում կայացած հունական սփյուռքի միջոցառման ժամանակ այդ մասին հայտնել է Գրեգորի Միքսը։
Նման լուրեր տարածվել են նաև քրդերեն հրապարակվող որոշ լրատվականներում, ինչպես նաև արաբական մեդիայում:
«Hürriyet» թերթի վերլուծաբան Աբդուլքադիր Սելվին անդրադարձել է «ՔԲԿ»-ի հիմնադիր առաջնորդ Աբդուլլահ Օջալանի (Ափո) զենքերը վայր դնելու և կուսակցությունը լուծարելու կոչին։
Թուրքիայի գանձապետարանի և ֆինանսների նախարարը նշել է, որ Թուրքիան պատրաստ է ԵՄ-ի հետ ավելի ամուր համագործակցության։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |