Իրաքի նախագահ. «Թուրքիայի գործողությունները բացահայտ սպառնալիք են Իրաքի ազգային անվտանգությանը»

Ռազմական16:30, 19 Ապրիլ 2022

Իրաքի նախագահ. «Թուրքիայի գործողությունները բացահայտ սպառնալիք են Իրաքի ազգային անվտանգությանը»

Իրաքի նախագահ Բերհեմ Սալիհն իր երկրի ազգային անվտանգությանն ուղղված սպառնալիք է որակել Իրաքի քրդական ինքնավարության տարածքում թուրքական զինուժի ռազմագործողությունները:

Տարածված հայտարարությունում նշվում է, որ Իրաքն անընդունելի է համարում Թուրքիայի ռազմական գործողության շարունակությունը՝ շեշտելով, որ դրանք համաձայնեցված չեն պաշտոնական Բաղդադի հետ և ավելի վաղ էլ իրենք այդ հարձակումները դադարեցնելու կոչ էին արել:

«Դրա համար (իմա՝ հարձակումը դադարեցնելու) մենք բազմիցս կոչեր ենք արել։ Մենք մերժում և չենք ընդունում թուրքական պետության հարձակումների շարունակականությունը։ Ակնկալում ենք հարգանք մեր սուվերեն իրավունքների նկատմամբ»,- ասված է իրաքի նախագահի հայտարարության մեջ։

Իրաքի նախագահից առաջ էլ Թուրքիայի գործողությունները դատապարտող հայտարարություն էր տարածել իրաքյան «Sadr» շիայական շարժման առաջնորդը:

Հիշեցնենք, որ Թուրքիայի զինված ուժերը նոր ներխուժում են իրականացրել Իրաքի հյուսիսային շրջաններ, որտեղ գտնվում է «Քուրդիստանի բանվորական կուսակցություն» (PKK-ՔԲԿ) ռազմաքաղաքական կազմակերպության ճամբարները, պահեստներն ու թաքստոցներ: Ըստ Թուրքիայի պաշտպանության նախարարության տարածած հայտարարության՝ «Մագիլ-կողպեք» անվանումով ռազմական օպերացիան ընդգրկում է Իրաքի Մեթինա, Զափ և Ավաշին-Բասյան շրջանները:

Աղբյուր` Gazetekarınca

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: