Թուրքիան ու Ղազախստանը խորացնում են երկկողմ կապերը

Քաղաքական11:45, 11 Մայիս 2022

Թուրքիան ու Ղազախստանը խորացնում են երկկողմ կապերը

Անկարայում կայացել է Թուրքիայի նախագահ Ռեջեփ Թայիփ Էրդողանի և Ղազախստանի նախագահ Քասիմ-Ժոմարտ Տոկաի հանդիպումը:

Կողմերը հանդիպման ավարտից հետո մամուլի ասուլիս են տվել, որի ընթացքում հայտնի է դարձել, որ երկու երկրները ստորագրել են համագործակցության 15 համաձայնագիր, որոնց արժեքը կազմում է մոտ 1 մլրդ դոլար:

Համաձայնագրերը ներառում են համագործակցություն տրանսպորտի, պաշտպանական արդյունաբերության, ռшզմшկшն հետшխուզnւթյшն, տեղեկատվական տեխնոլոգիաների, մշակույթի, գյուղատնտեսության, տրանսպորտի, առևտրի, մաքսային հսկողության, բնապահպանության, կրթության, երիտասարդական քաղաքականության, կապի ոլորտներում։

Նախագահները նաև քննարկել են Ուկրաինայում տիրող իրավիճակն, ինչպես նաև տարածաշրջանային խնդիրներ: Ասուլիսի ժամանակ Էրդողանը հայտնել է, որ Ուկրաինայի հարցում երկու երկրների դիրքորոշումը համընկնում են:

«Մենք քննարկել ենք իրավիճակն Ուկրաինայում։ Համաձայն ենք, որ ճգնաժամը պետք է լուծվի Ուկրաինայի ինքնիշխանության եւ տարածքային ամբողջականության շրջանակում»,-ասել է Էրդողանը։

Նրա խոսքով՝ Թուրքիան եւ Ղազախստանը նպատակ ունեն կրկնապատկել աևտրաշրջանառությունը՝ հասցնելով 10 մլրդ դոլարի։ Նա նշել է, որ անցյալ տարի երկկողմ առևտուրը նախորդ տարվա համեմատ աճել է 58 տոկոսով։
Իր հերթին Տոկաևը Թուրքիային անվանել է շատ կարևոր ռազմավարական գործընկեր ու Էրդողանին հրավիրել Ղազախստան։

Աղբյուր` Anadolu

Այս ենթաբաժնի վերջին նորությունները

12:05, 21 նոյ

Թուրքիայի և ԱՄՆ-ի միջև նոր սկանդալ է հասունանում

Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։

17:48, 20 նոյ

Էրդողանն անդրադարձել է Սիրիայի քուրդ զինյալների թեմային

«Մենք բացարձակապես ոչ մի հանդուրժողականություն չունենք մեր սահմաններից դուրս գտնվող այն կառույցների նկատմամբ, որոնք անվտանգության սպառնալիքներ են ստեղծում մեր երկրի համար»։