Իրաքի հյուսիսում թուրքական բանակը կենդանի ուժի կորուստներ ունի

Ռազմական16:23, 24 Մայիս 2022

Իրաքի հյուսիսում թուրքական բանակը կենդանի ուժի կորուստներ ունի

Թուրքիայի զինուժի կողմից Իրաքի հյուսիսում իրականացվող «Pençe Kilit» (Մագիլ-Կողպեք) ռազմագործողության ընթացքում «Քուրդիստանի բանվորական կուսակցության» (ՔԲԿ-PKK) զինյալների հետ բախման հետևանքով 3 զինվոր է սպանվել և ևս 4-ը վիավորվել։ Այս մասին Twitter-ում հաղորդագրություն է հրապարակել Թուրքիայի պաշտպանության նախարարությունը։

Հայտարարությունում նշվում է, որ վիրավորված թուրք զինվորները հոսպիտալացվել են։

Ավելի վաղ Թուրքիայի նախագահ Ռեջեփ Թայիփ Էրդողանը հայտնել էր, որ թուրքական կողմից 10 զինվոր է սպանվել։

Հիշեցնենք, որ Թուրքիայի զինված ուժերն ապրիլի 17-ին նոր ներխուժում են իրականացրել Իրաքի հյուսիսային շրջաններ, որտեղ գտնվում են «Քուրդիստանի բանվորական կուսակցություն» (PKK-ՔԲԿ) ռազմաքաղաքական կազմակերպության ճամբարները, զինապահեստներն ու թաքստոցները:

Ըստ Թուրքիայի պաշտպանության նախարարության տարածած հայտարարության՝ «Մագիլ-կողպեք» անվանումով ռազմական օպերացիան ընդգրկում է Իրաքի Մեթինա, Զափ և Ավաշին-Բասյան շրջանները:

Աղբյուր` Ermenihaber.am

Այս ենթաբաժնի վերջին նորությունները

11:36, 11 ապր

Հունաստանի ՊՆ ղեկավար. «Թուրքիան օրական հազարավոր դրոններ է կարողանում արտադրել»

Նիկոս Դենդիասը համեմատականներ է անցկացրել Եվրոպայի և Թուրքիայի ռազմարդյունաբերական կարողություններիի միջև:

11:02, 11 ապր

Ինդոնեզիան ցանկանում է թուրքական ռազմարդյունաբերական ծրագրերին մաս կազմել

Ինդոնեզիայի նախագահ Պրաբովո Սուբիանտո. «Մենք ցանկանում ենք օգտվել Թուրքիայի ռազմարդյունաբերությունից»:

17:24, 09 ապր

Իսրայելը փորձում է արգելափակել F-35-ների վաճառքը Թուրքիային

ԱՄՆ-ն ժամանակին Թուրքիային դուրս էր թողել այդ կործանիչների արտադրության համատեղ ծրագրից, քանի որ Անկարան Ռուսաստանից գնել էր ռուսական S-400 ՀՕՊ համակարգեր: