Քաղաքական11:37, 08 Հունիս 2022
Թուրքիայի ու ՌԴ-ի պաշտպանության նախարարները քննարկել են Ուկրաինայի ու Սիրիայի հետ կապված հարցեր
Թուրքիայի պաշտպանության նախարար Հուլուսի Աքարը հեռախոսազրույց է ունեցել Ռուսաստանի իր պաշտոնակից Սերգեյ Շոյգուի հետ: Ըստ թուրքական կողմի տարածած հայտարարության՝ զրույցի հիմնական թեմաները եղել են Ուկրաինայում և Սիրիայում տեղի ունեցող զարգացումները, քննարկվել են նաև երկկողմ ու տարածաշրջանային պաշտպանության և անվտանգության կապված հարցեր:
Աքարը շեշտել է, որ Ուկրաինայում զոհերի թվի աճից ու հումանիտար վիճակի վատթարացումից խուսափելու համար շուտափույթ հրադադարի կարիք կա: Քննարկվել են նաև պարենային ճգնաժամի հետ կապված հարցեր, մասնավորապես հացահատիկի, արևածաղիկի ու այլ գյուղմթերթների անվտանգ տեղափոխման (Ուկրաինայից) նպատակով ձեռնարկվելիք միջոցառումները։
Կողմերը քննարկել են նաև Սիրիայում տիրող իրավիճակը, ինչի համատեքստում, ըստ թուրքական կողմի հայտարարության, Աքարը հիշեցրել է, որ պետք է հավատարիմ լինել Սիրիայի հյուսիսարևելյան հատվածի (Իդլիբի նահանգի) վերաբերյալ 2019-ին Ռուսաստանի ու Թուրքիայի միջև ձեռք բերված պայմանավորվածությանը:
«Սիրիայի հյուսիսի վերաբերյալ շեշտվել է (Աքարի կողմից), որ տարածաշրջանում ահաբեկչական ներկայությունն անընդունելի է, և պետք է անհրաժեշտ պատասխան տալ այդ տարածաշրջանում կայունությանը խաթարող գործողություններին»,- ասված է հայտարարության մեջ:
Այս ենթաբաժնի վերջին նորությունները
Օրակարգում են եղել երկկողմ, տարածաշրջանային և համաշխարհային նշանակության հարցեր։
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրակարգում են եղել երկկողմ, տարածաշրջանային և համաշխարհային նշանակության հարցեր։
Վաշինգտոնը շարունակում է ճնշում գործադրել Թուրքիայի վրա, որպեսզի Անկարան Ռուսաստանին չօգնի շրջանցել սահմանված պատժամիջոցները:
Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |