Քաղաքական16:31, 14 Հուլիս 2022
Թուրք քաղաքական գործիչն ատելության քարոզ է արել հայերի դեմ
Թուրք քաղաքական գործիչների միջև հեռակա բանավեճ է ծավալվել 1937–1938թթ․ Դերսիմի կոտորածների ժամանակ դերսիմցիների առաջնորդի՝ ալևի-զազա Սեյիդ Ռըզայի արձանի ապամոնտաժման շուրջ։ Շուտով, սակայն, բանավեճը փոխել է իր առանցքը, թիրախավորվել են հայերը։
Թուրքիայի խորհրդարանում ներկայացված «Հաղթանակ» կուսակցության (Zafer Partisi) նախագահ Ումիթ Օզդաղը (նկարում աջից առաջինը) Twitter-ի իր էջում կատարած գրառման մեջ նշել է, որ Թունջելիի նահանգում (Դերսիմ) քանդելու են Սեյիդ Ռըզայի արձանը և փոխարենը կանգնեցնելու են Դիյափ Աղայի արձանը։ Նա պնդել է, որ Սեյիդ Ռըզայի արձանը կանգնեցվել է « Քուրդիստանի բանվորական կուսակցության» (ՔԲԿ-PKK) ճնշմամբ։
Օզդաղին արձագանքել է քրդամետ «Ժողովուրդների դեմոկրատական» կուսակցության (ԺԴԿ-HDP) պատգամավոր Ալի Քենանօղլուն (նկարում ձախից առաջինը)։
Քենանօղլուն նույնպես Twitter-ում գրառում է արել, որում մեջբերել է մահապատժի ենթարկվելիս Սեյիդ Ռըզայի արտասանած վերջին նախադասությունը՝ «Չեմ հպատակվել (բռց․ վիզ չեմ ծռել), դա էլ թող ձեր սրտին ցավ մնա»։ Նա, նկատի ունենալով Օզդաղին, հավելել է՝ «ահա այդ ցավը ներսից ուտում և մաշում է ձեզ»։
Պատգամավոր Օզդաղը, պատասխանելով Քենանօղլուին, թիրախավորել է հայերին։
«Պարո՛ն Ալի, հավատացած եղի՛ր, ընդհանրապես ցավ չի եղել։ Իմպերիալիզմի շների՝ այսպես կոչված չծռված վիզը մենք կոտրեցինք և կկոտրենք։ ԺԴԿ-ն հունական կամ բուլղարական ռասիստական կուսակցություններից ավելի շատ է Թուրքիային թշնամի կառույց։ Դրա բարձրագույն ղեկավարների մեծ մասը հայկական ծագում ունի։ Թշնամի է և պետք է դրան վերաբերվել որպես թշնամու»։
Ատելություն քարոզող Օզդաղի այս գրառումը բացասական արձագանքի է արժանացել Twitter-ի օգտատերերի շրջանում, ինչից հետո նա ստիպված է եղել հետքայլ անել։
Օզդաղը հայտարարել է, թե իրենց կուսակցության աջակիցների շարքում էլ հայեր կան, ուստի խնդիր են միայն նրանք, ովքեր հայ են, սակայն ներկայանում են որպես քուրդ կամ զազա։
Քենանօղլուն էլ, արձագանքելով Օզդաղի այս գրառմանը, նշել է․ «ԺԴԿ-ում և՛ հայը, և՛ քուրդը, և՛ ինձ նման թուրքը եղբայրական կյանքն ենք հյուսում։ ԺԴԿ-ում հայը հայը է և դա թաքցնելու անհրաժեշտություն չի ունենում»։
Այս ենթաբաժնի վերջին նորությունները
Թուրքիայի ներքին գործերի նախարար Ալի Յերլիքայան հայտարարություն է տարածել անօրինական միգրացիա կազմակերպողների և անօրինական միգրանտների հայտնաբերմանը միտված «Kalkan-27» գործողության մասին:
Օմեր Բոլաթը ելույթ է ունեցել ԱՄՆ-ում «Անատոլիայի առյուծներ գործարարների ասոցացիայի» ամերիկյան գրասենյակի կողմից կազմակերպված միջոցառմանը:
Թուրքիայի մշակույթի և զբոսաշրջության նախկին նախարարը անդրադարձել է Սիրիայի նախագահի այն հայտարարությանը, ըստ որի՝ Սիրիայից դուրս գտնվող սիրիացիների համար ընդհանուր համաներման որոշում կկայացվի։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Սեպտեմբերի 24-ից 26-ը Բաքվում կայանալիք «ADEX 2024» ցուցահանդեսին Թուրքիան ներկայացնող 50 ընկերություն է լինելու:
«Medyascope TV»-ի կայքում հրապարակվել է Ռուշեն Չաքըրի «Ինչու՞ է Էրդողանը համառում հանդիպել Ասադի հետ. 4 պատճառ» հոդվածը:
Դրանք վերաբերում են էլեկտրական ռազմական մեքենաների համատեղ զարգացմանը, խելացի զինամթերքի և սիմուլյացիոն վարժական տեխնոլոգիաների արտադրությանն ու մի շարք այլ ծրագրերի:
Տոնավաճառում ցուցադրված է 38 երկրի 270 ընկերության արտադրանք, որտեղ ամենամեծ ներկայացվածությունն ունի Թուրքիան։
Թռիչքների չեղարկումը պայմանավորված է Իսրայելի կողմից Լիբանանի վրա իրականացված օդային հարձակումներով:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |