Քաղաքական15:04, 19 Հուլիս 2022
Հուլուսի Աքարն արձագանքել է F-16-երի վաճառքը վերահսկելու մասին ԱՄՆ-ում ընդունված օրենքի լրացմանը
Թուրքիայի պաշտպանության նախարար Հուլուսի Աքարն անդրադարձել է Թուրքիային F-16 կործանիչներ վաճառելու դեմ Հունաստանի գործողություններին և ԱՄՆ Ներկայացուցիչների պալատում Ազգային անվտանգության հատկացումների օրենքի (NDAA) լրամշակմանը։
Կոնգրեսական Քրիս Փափասի նախաձեռնությամբ ընդունված այդ լրացմամբ Անկարային F-16-երի հնարավոր վաճառքի համար 2 պայման է դրվել․ Վաճառքը պետք է իրականացվի ԱՄՆ-ի ազգային շահերին համապատասխան և պետք է հստակ քայլերի երաշխիքներ տրվեն առ այն, որ կկանխվի Թուրքիայի կողմից F-16-երով Հունաստանի օդային տարածքում չարտոնված թռիչքներ իրականացնելը:
Հուլուսի Աքարը հայտարարել է, որ կործանիչների ձեռքբերման գործընթացը շարունակվում է։ Նա նշել է, թե Հունաստանը փորձում է տարբեր նախաձեռնություններով հնարավորինս ազդեցություն ունենալ Թուրքիայի և ԱՄՆ-ի ռազմական պատվիրակությունների միջև այդ կործանիչների մատակարարման և արդիականացման շուրջ ձեռք բերված պայմանավորվածությունների վրա։
Աքարն ընդգծել է, որ Թուրքիայի պահանջները համահունչ են և՛ Թուրքիա-ԱՄՆ, և՛ Թուրքիա-ՆԱՏՕ հարաբերություններին.
«Բանակցությունների ընթացքում ԱՄՆ պաշտոնյաները հայտարարում են, որ Թուրքիան կարևոր դաշնակից է, իսկ ՆԱՏՕ-ի պաշտոնյաներն էլ Թուրքիայի կարևորության հետ մեկտեղ նշում են ահաբեկչության, ներգաղթի դեմ պայքարում Թուրքիայի գրանցած հաջողության մասին։ Այդ դեպքում ինչպե՞ս կբացատրեք այս իրավիճակը։ Ինչ-որ մի պատգամավոր, մի խումբ այնտեղ դուրս են եկել մի շարք մանիպուլյացիաներով, ապատեղեկատվությունով խառնում են իրադրությունմ։ ԱՄՆ-ն չպետք է տրվի այս խաղին»,-նշել է նա։
Այս ենթաբաժնի վերջին նորությունները
Region Monitor-ի բացառիկ հարցազրույցն իրանցի պրոֆեսոր, միջազգային հարցերով վերլուծաբան, Սաադոլլահ Զարեիի հետ։
Նշվում է, որ այսպիսով ընդգծվում է երկու երկրների միջև «եղբայրական հարաբերությունների խորությունը»:
Ստամբուլի կալանավորված քաղաքապետն այդ կերպ խնդրել է բողոք արտահայտել իր ձերբակալության դեմ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Միջազգային ռազմավարական հետազոտությունների ինստիտուտը հրապարակել է բազմաքանակ զինծառայողներով բանակ ունեցող երկրների անունները:
Հայոց ցեղասպանության 110-րդ տարելիցին ընդառաջ Ermenihaber-ը զրուցել է թյուրքագետ, պատմական գիտությունների թեկնածու Մելինե Անումյանի հետ:
Հոգևորականը կոչ է արել պայքարել թուրքերին Կիպրոսից վտարելու և հայրենիքը փրկելու համար։
Ստամբուլի կալանավորված քաղաքապետն այդ կերպ խնդրել է բողոք արտահայտել իր ձերբակալության դեմ:
Թուրքիայի նախագահ Ռեջեփ Թայիփ Էրդողանն ավելի վաղ հայտարարել էր երկրում ծնելիության ինդեքսի խորացող անկման մասին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |