Ալի Բաբաջան. «Ո՞ւր են F-35 կործանիչները, որոնց համար մենք միլիարդավոր դոլարներ ենք տվել»

Ռազմական16:43, 21 Հուլիս 2022

Ալի Բաբաջան. «Ո՞ւր են F-35 կործանիչները, որոնց համար մենք միլիարդավոր դոլարներ ենք տվել»

Թուրքիայի նախկին արտգործնախարար, ներկայումս ընդդիմադիր Ալի Բաբաջանը, որը 2002-2007 թվականներին զբաղեցրել է նաև Էկոնոմիկայի նախարարի պաշտոնը, քննադատել է Թուրքիայի ներկայիս իշխանությունների վարած արտաքին քաղաքականությունը:

Սևծովյան շրջաններ կատարած շրջագայության ընթացքում Բաբաջանն իր ղեկավարած «Ժողովրդավարություն և առաջընթաց» կուսակցության (DEVA) նոր գրասենյակներ է բացել Բայբուրթում, Գյումուշհանեում և Քելքիթում:

Ելույթ ունենալով կուսակիցների և համակիրների առջև՝ Բաբաջանը դիմել է Թուրքիայի ներկայիս ղեկավարությանը՝ հարցնելով, թե ու՞ր են F-35 ռազմական ինքնաթիռները, որոնց համար Թուրքիան միլիարդավոր դոլարներ է վճարել:

Ըստ նրա՝ Թուրքիայի հեղինակությունը հիմա խաթարված է ողջ աշխարհում և թուրքական իշխանություններ չեն կարողանում նույնիսկ իերնց սեփականությունը հանդիսացող ինքնաթիռները բերել երկիր:

Բաբաջանի խոսքով՝ ոչ ոք չի կարող ասել, թե Թուրքիան վարում է արժանապատիվ արտաքին քաղաքականություն, քանի որ խոսքն այն իշխանության մասին է, որը սերտ հարաբերությունների մեջ է մի պետության հետ, որին դեռ մեկ տարի առաջ ոխերիմ թշնամի ու դահիճ էր համարում:

Աղբյուր` T24

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: