Գերմանիան դեմ է Սիրիայի հյուսիսում Թուրքիայի նոր ռազմագործողության մտադրությանը

Ռազմական17:50, 21 Հուլիս 2022

Գերմանիան դեմ է Սիրիայի հյուսիսում Թուրքիայի նոր ռազմագործողության մտադրությանը

Գերմանիայի կառավարությունը հերթական անգամ զգուշացրել է Թուրքիային՝ Սիրիայում ռազմական գործողություններ չսկսել։

Այդ երկրի ԱԳՆ-ի խոսնակի հայտարարության մեջ թեմայի վերաբերյալ մասնավորապես ասված է. «Մեր կարծիքով, նման գործողությունը ոչ միայն կվատթարացնի տարածաշրջանի առանց այն էլ դժվար պայմանները այնտեղի բնակիչների համար, այլ նաև ԻՊ-ին (Իսլամական պետություն-ահաբեկչական կազմակերպություն) հնարավորություն կտա կրկին ուժեղանալ»։

Հայտարարության մեջ նշվում է նաև, որ «չնայած անվտանգության հիմնավոր մտահոգություններին»՝ Թուրքիան պատասխանատվություն է կրում տարածաշրջանում անվտանգության վակուում չստեղծելու համար:

Նշենք, որ Թուրքիայի իշխանությունները վերջին շաբաթներին հաճախակիացրել են հայտարարությունները Սիրիայի հյուսիսում ներկայում քրդական վերահսկողության տակ գտնվող Մանբիջի ո Թել Ռֆաթի ուղղությամբ նոր ռազմագործողություն սկսելու մասին:

Նախագահ Էրդողանը Իրանում Աստանայում կայացած բանակցությունների ժամանակ նույնպես հայտնել է Թուրքիայի վճռականությունը նշված ռազմական գործողության վերաբերյալ:

Ըստ մամուլում շրջանառվող լուրերի Էրդողանը, սակայն, չի կարողացել այս հարցում ստանալ Ռուսաստանի ու Իրանի նախագահներ Վլադիմիր Պուտինի և Էբրահիմ Ռեիսիի աջակցությունը:

Աղբյուր` Artıgerçek

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: