Քաղաքական15:37, 25 Հուլիս 2022
Թուրքիայի փոխարտգործնախարար Քըրան․ Թուրքիայի և Ադրբեջանի դաշնակցությունն ընդլայնվում է
Թուրքիայի փոխարտգործնախարար Յավուզ Սելիմ Քըրանը նախորդ շաբաթվա վերջին խորհրդարանի արտաքին հարցերի հանձնաժողովում հայտարարել է, որ Թուրքիայի և Ադրբեջանի դաշնակցության մակարդակն էլ ավելի է խորանալու։
Տեղեկացնելով, որ Ադրբեջանի իրավապահ մարմինների հետ համատեղ պայքար են մղում ահաբեկչության, թմրանյութերի, մաքսանենգության, կազմակերպված հանցագործությունների դեմ՝ Քըրանը նշել է, որ գնահատվում են Ադրբեջանի հետ աղետների և արտակարգ իրավիճակներում ևս նոր համագործակցության հնարավորությունները։
Թուրքիայի փոխարտգործնախարարը հայտարարել է, որ թարմացվելու է 2013 թվականին Ադրբեջանի հետ կնքված «Անվտանգության ոլորտում համագործակցության պայմանագիրը»։
Նրա խոսքով՝ մարդկանց թրաֆիքինգի և ապօրինի միգրացիայի հետ մեկտեղ որոշվել է միասին հետամուտ լինել հարկադիր աշխատանքի, կրոնական արմատականության համատեքստում կատարված հանցագործություններին նույնպես։ Պայմանագրում հավելվելու են երկկողմ նոր համագործակցության այնպիսի ոլորտներ, ինչպիսիք են ահաբեկչությունը, լրտեսությունը, քաղաքացիների կյանքին, առողջությանը, պատվին և արժանապատվությանն ուղղված հանցագործությունները, սեփականության դեմ հանցագործությունները և այլն։
Քըրանն ընդգծել է, որ պայմանագրում կրթության և համատեղ օպերացիաների հետ կապված դրույթներում «ոստիկանություն» եզրույթը փոխարինվելու է «իրավապահ» եզրույթով։ Այդպիսով դրանցում ներառվելու են ժանդարմերիան և առափնյա անվտանգության ուժերը, ընդլայնվելու է համագործակցությունը։
Այս ենթաբաժնի վերջին նորությունները
Region Monitor-ի բացառիկ հարցազրույցն իրանցի պրոֆեսոր, միջազգային հարցերով վերլուծաբան, Սաադոլլահ Զարեիի հետ։
Նշվում է, որ այսպիսով ընդգծվում է երկու երկրների միջև «եղբայրական հարաբերությունների խորությունը»:
Ստամբուլի կալանավորված քաղաքապետն այդ կերպ խնդրել է բողոք արտահայտել իր ձերբակալության դեմ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Միջազգային ռազմավարական հետազոտությունների ինստիտուտը հրապարակել է բազմաքանակ զինծառայողներով բանակ ունեցող երկրների անունները:
Հայոց ցեղասպանության 110-րդ տարելիցին ընդառաջ Ermenihaber-ը զրուցել է թյուրքագետ, պատմական գիտությունների թեկնածու Մելինե Անումյանի հետ:
Հոգևորականը կոչ է արել պայքարել թուրքերին Կիպրոսից վտարելու և հայրենիքը փրկելու համար։
Ստամբուլի կալանավորված քաղաքապետն այդ կերպ խնդրել է բողոք արտահայտել իր ձերբակալության դեմ:
Թուրքիայի նախագահ Ռեջեփ Թայիփ Էրդողանն ավելի վաղ հայտարարել էր երկրում ծնելիության ինդեքսի խորացող անկման մասին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |