Թուրքիայի ՆԳՆ. «11 տարում երկրից 9.000 օտարերկրացի ահաբեկիչ է արտաքսվել»

Ռազմական17:09, 02 Օգոստոս 2022

Թուրքիայի ՆԳՆ. «11 տարում երկրից 9.000 օտարերկրացի ահաբեկիչ է արտաքսվել»

Թուրքիայի ներքին գործերի նախարարությունը հայտնել է, որ «վերջին 11 տարում երկրից արտաքսվել է 9.000 օտարեկրյա քաղաքացիություն ունեցող ահաբեկիչ»:

Հաշվարկը կատարված է 2011-ից, երբ սկիզբ առավ սիրիական ճգնաժամը: Ըստ հայտարարության՝ արտաքսվածների շարքում եղել են ընդհանուր 102 երկրի քաղաքացիներ:

Հետաքրքրական է, որ նրանցից 1168-ը եղել է Եվրամիության երկրների քաղաքացի:

ԵՄ-ից հետո թվով ամենաշատ արտաքսված «ահաբեկիչները» եղել են ԱՄՆ-ի քաղաքացի՝ 59: Այս տարվա 1-ին 7 ամսվա ընթացքում ԵՄ 6 տարբեր երկրներ է արտաքսվել այդ երկրների քաղաքացի հանդիսացող 20 «ահաբեկիչ»:

Թուրքիայի ՆԳ նախարարության Միգրացիայի վարչությունը հաղորդել է, որ շարունակելու է ԻՊ (Իսլամական պետություն), և Անկարայի կողմից ահաբեկչական հռչակված ՔԲԿ/PKK (Քուրդիստանի բանվորական կուսակցություն) և PYD/ԺՄԿ (Ժողովրդավարական միություն կուսակցություն) «կազմակերպություններին անդամակցելու նպատակով ժամանած ահաբեկիչներին արտաքսելուն ուղղված աշխատանքները»:

Նշենք, որ սիրիական պատերազմի առավել ակտիվ շրջանում բազմաթիվ վարձկաններ տարբեր երկրներից գալիս էին Թուրքիա այնտեղից էլ Սիրիա անցնելու և գումարի դիմաց ԻՊ-ի շարքերում կռվելու նպատակով:

Աղբյուր` tr.sputniknews.com

Այս ենթաբաժնի վերջին նորությունները

11:36, 11 ապր

Հունաստանի ՊՆ ղեկավար. «Թուրքիան օրական հազարավոր դրոններ է կարողանում արտադրել»

Նիկոս Դենդիասը համեմատականներ է անցկացրել Եվրոպայի և Թուրքիայի ռազմարդյունաբերական կարողություններիի միջև:

11:02, 11 ապր

Ինդոնեզիան ցանկանում է թուրքական ռազմարդյունաբերական ծրագրերին մաս կազմել

Ինդոնեզիայի նախագահ Պրաբովո Սուբիանտո. «Մենք ցանկանում ենք օգտվել Թուրքիայի ռազմարդյունաբերությունից»:

17:24, 09 ապր

Իսրայելը փորձում է արգելափակել F-35-ների վաճառքը Թուրքիային

ԱՄՆ-ն ժամանակին Թուրքիային դուրս էր թողել այդ կործանիչների արտադրության համատեղ ծրագրից, քանի որ Անկարան Ռուսաստանից գնել էր ռուսական S-400 ՀՕՊ համակարգեր: