Քաղաքական10:41, 09 Օգոստոս 2022
Փայլանը՝ թուրք նախարարին․ «Ինչու՞ թույլ չեք տալիս Արամ Տիգրանի աճյունը վերաթաղել Դիարբեքիրում»
Թուրքիայի ընդդիմադիր քրդամետ «Ժողովուրդների դեմոկրատական» կուսակցության (HDP-ԺԴԿ) հայ պատգամավոր Կարո Փայլանը անվանի հայ երաժիշտ Արամ Տիգրանի աճյունը Դիարբեքիրում վերաթաղելու հարցը բարձրացրել է թուրքական խորհրդարանում։ Նա գրավոր հարցում է հղել Թուրքիայի մշակույթի և զբոսաշրջության նախարար Մեհմեթ Նուրի Էրսոյին։
Կարո Փայլանը հետևյալ հարցերն է ուղղել նախարարին.
1․ Թուրքիայի ժողովուրդների շրջանում հարգանք վայելող Արամ Տիգրանի հիշատակը հավերժացնելու նպատակով հանդես գալո՞ւ եք որևէ նախաձեռնությամբ։
2․ Ինչու՞ թույլ չեք տալիս, որպեսզի Արամ Տիգրանն իր կտակի համաձայն թաղվի Դիարբեքիրում։
3․ Ձեր նախարարությունը որևէ ծրագիր ունի՞ Արամ Տիգրանի անունը հավերժացնելու համար։
Փայլանը նաև հիշեցրել է, որ Թուրքիայի իշխող «Արդարություն և զարգացում» կուսակցությունը թույլ չի տվել, որ Արամ Տիգրանին իր կտակի համաձայն թաղվի իր նախնիների ծննդավայրում՝ Դիարբեքիրում։
Հայ պատգամավորը նշել է, որ Դիարբեքիրում Արամ Տիգրան անունով բացված կոնսերվատորիայի գործունեությունը նույնպես դադարեցվել է Թուրքիայի իշխանությունների կողմից նշանակաված ժամանակավոր կառավարչի օրոք։
Արամ Տիգրանը հայտնի երգիչ և երաժիշտ է։ Ծնվել է Սիրիայի Ալ-Քամիշլի քաղաքում։ Նրա ընտանիքը 1915թ․ Հայոց ցեղապանությունից մի կերպ փրկված դիարբեքիրցի ընտանիքներից էր։
Արամ Տիգրանը մասնագիտացել է ուդ նվագելու մեջ։ Քսան տարեկանից իրեն նվիրել է երաժշտությանը։ Հիմնականում ստեղծագործել և երգել է երեք լեզվով՝ քրդերեն, արաբերեն և հայերեն։
Ձայնագրել է շուրջ 230 երգ քրդերենով, 150՝ արաբերենով, 10՝ ասորերենով, 8՝ հունարենով։
Արամ Տիգրանը եղել է Քուրդստանի բանվորական կուսակցության առաջնորդ, Աբդուլլահ Օջալանի մտերիմ և վստահելի մարդկանցից մեկը:
Մահացել է Աթենքում 2009-ին։ Նա ցանկանում էր թաղվել Դիարբեքիրում։ Սակայն երգչի ցանկությունը չի կատարվել, քանի որ թուրքական իշխանությունները թույլ չեն տվել հայ երաժշտի աճյունն ամփոփել Դիարբեքիրի հայկական գերեզմանատանը։
Այս ենթաբաժնի վերջին նորությունները
Նշվում է, որ այսպիսով ընդգծվում է երկու երկրների միջև «եղբայրական հարաբերությունների խորությունը»:
Ստամբուլի կալանավորված քաղաքապետն այդ կերպ խնդրել է բողոք արտահայտել իր ձերբակալության դեմ:
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Միջազգային ռազմավարական հետազոտությունների ինստիտուտը հրապարակել է բազմաքանակ զինծառայողներով բանակ ունեցող երկրների անունները:
Հոգևորականը կոչ է արել պայքարել թուրքերին Կիպրոսից վտարելու և հայրենիքը փրկելու համար։
Հայոց ցեղասպանության 110-րդ տարելիցին ընդառաջ Ermenihaber-ը զրուցել է թյուրքագետ, պատմական գիտությունների թեկնածու Մելինե Անումյանի հետ:
Ստամբուլի կալանավորված քաղաքապետն այդ կերպ խնդրել է բողոք արտահայտել իր ձերբակալության դեմ:
Թուրքիայի նախագահ Ռեջեփ Թայիփ Էրդողանն ավելի վաղ հայտարարել էր երկրում ծնելիության ինդեքսի խորացող անկման մասին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |