Քաղաքական16:24, 16 Օգոստոս 2022
2023-ի ընտրություններին ընդառաջ Թուրքիայում ակտիվ սոցհարցումներ են
Հրապարակվել են Թուրքիայում 2023 թվականի խորհրդարանական ընտրությունների թեմայով հերթական սոցհարցման արդյունքները:
Թուրքական «Piar Araştırma» սոցիոլոգիական հետազոտությունների կազմակերպությունը մասնակիցներին հետևյալ հարցն է հղել. «Եթե այս կիրակի խորհրդարանական ընտրություններ լինեն, ո՞ր քաղաքական կուսակցությանը կտաք ձեր քվեն»:
Հատկանշական է, որ ինչպես վերջին մի քանի հարցումների դեպքում, այս անգամ էլ ոչ մեծ առավելությամբ առաջ է անցել գլխավոր ընդդիմադիր ուժ համարվող «Ժողովրդահանրապետական» (ԺՀԿ-CHP) կուսակցությունը՝ արժանանալով մասնակիցների 28.52%-ի վստահությանը:
Նախագահ Ռեջեփ Թայիփ Էրդողանի գլխավորած իշխող «Արդարություն և զարգացում» կուսակցությունը (ԱԶԿ-AKP) ստացել է հարցմանը մասնակիցների 28.1%-ի վստահությունը: 3-րդը ԺՀԿ-ի հետ ընդհանուր դաշինքով մեջլիս անցած ազգայնական ուղղվածությամբ ընդդիմադիր «Լավ» կուսակցությունն է, որին այս պահին իր ձայնը տալու պատրաստակամություն է հայտնել հարցվածների 12.9%-ը: 4-րդը քրդամետ ընդդիմադիր «Ժողովուրդների դեմոկրատական» կուսակցությունն է՝ 11.2% վստահությամբ: ԱԶԿ-ի խորհրդարանական դաշնակից «Ազգայնական շարժում» կուսակցությունը (ԱՇԿ-MHP) արժանացել է հարցվախների 7.8%-ի վստահությանը:
Թուրքիայի նախկին վարչապետ Ահմեթ Դավութօղլուի հիմնադրած «Ապագա» և նախկին փոխվարչապետ Ալի բաբաջանի հիմնադրած «Ժողովրդավարություն և առաջընթաց» կուսակցություններն էլ ստացել են համապատասխանաբար 3.5 % և 3 % վստահություն:
Հիշեցնենք, որ Թուրքիայում հերթական խորհրդարանական ու նախագահական ընտրությունները նախատեսված են 2023-ի հունիսին:
Այս ենթաբաժնի վերջին նորությունները
Նշվում է, որ այսպիսով ընդգծվում է երկու երկրների միջև «եղբայրական հարաբերությունների խորությունը»:
Ստամբուլի կալանավորված քաղաքապետն այդ կերպ խնդրել է բողոք արտահայտել իր ձերբակալության դեմ:
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Միջազգային ռազմավարական հետազոտությունների ինստիտուտը հրապարակել է բազմաքանակ զինծառայողներով բանակ ունեցող երկրների անունները:
Հոգևորականը կոչ է արել պայքարել թուրքերին Կիպրոսից վտարելու և հայրենիքը փրկելու համար։
Հայոց ցեղասպանության 110-րդ տարելիցին ընդառաջ Ermenihaber-ը զրուցել է թյուրքագետ, պատմական գիտությունների թեկնածու Մելինե Անումյանի հետ:
Ստամբուլի կալանավորված քաղաքապետն այդ կերպ խնդրել է բողոք արտահայտել իր ձերբակալության դեմ:
Թուրքիայի նախագահ Ռեջեփ Թայիփ Էրդողանն ավելի վաղ հայտարարել էր երկրում ծնելիության ինդեքսի խորացող անկման մասին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |