Էրդողանը՝ Հունաստանին. «Որևէ երկրի ինքնաթիռները նշանառության տակ առնելը թշնակական դրսևորում է»

Ռազմական15:43, 31 Օգոստոս 2022

Էրդողանը՝ Հունաստանին. «Որևէ երկրի ինքնաթիռները նշանառության տակ առնելը թշնակական դրսևորում է»

Թուրքիայի նախագահ Ռեջեփ Էրդողանը ելույթ է ունեցել 1922-ի օգոստոսի 30-ի Դոմլուփընարի ճակատամարտում հույների նկատմամբ թուրքական բանակի հաղթանակի 100-ամյակի կապակցությամբ կազմակերպված տոնակատարությանը: Հաղթանակի օրվա ելույթն էրդողանը սկսել է՝ շեշտելով, որ Դոմլուփընարի ճակատամարտի արդյունքում ոչնչացվել է հունական բանակն ու թուրքական կողմը վերջնական հաղթանակ տարել:

Թուրքիայի նախագահն անդրադարձել է նաև Հունական ՀՕՊ համակարգելի կողմից թուրքական ինքնաթիռները նշանառության տակ առնելու պնդումներին:

«Ինչպես գիտեք Էգեյան շրջանի միջազգային օդային տարածքում ՆԱՏՕ-ի շրջանակներում պարտականություն կատարող մեր ինքնաթիռները նշանառության տակ են վերցվել Հունաստանի Կիպրոս կղզում տեղակայված ռուսական Ս-300 ՀՕՊ համակարգերի կողմից:

Որևէ երկրի ինթնաթիռը նշանառության տակ առնելը թշնամական վերաբերմունք է: Մանավանդ այն դեպքում, երբ այդ ինքնաթիռները ՆԱՏՕ-ի հանձնարարություն են կատարում, այդ թշնամությունը կատարվում է ՆԱՏՕ-ի նկատմամբ՝ իր բոլոր անդամ երկրներով հանդերձ: Հունաստանը մեր սահմանների խախտումներով ու ինքնաթիռների հետապնդումներով սկսած թշնամական դիրքորոշումը Ս-300-ի նշանառության տակ առնելու մակարդակի հասցնելով, իրականում որ թե մեզ, այլ ՆԱՏՕ-ին ու դրա անդամներին է մարտահրավեր նետում, եթե իհարկե այդքան ուժ ու կարողություն ունի»,- ասել է Էրդողանը:

Նշենք նաև, որ հունական կողմը հերքել է թուրքական ինքնաթիռները նշանառության տակ վերցնելու կամ հետապնդելու մասին թուրքական մամուլում տարածված տեղեկությունները: Ավելին, հունական կողմը պարբերաբար հայտարարություն տարածում թուրքական օդուժի կողմից իրենց օդային սահմանի խախտումների վերաբերյալ:

Աղբյուր` TRT haber

Այս ենթաբաժնի վերջին նորությունները

13:55, 02 դեկտ

Թուրքական ընկերություններն աշխարհի ամենախոշոր զենք արտադրողների ցանկում են

Ստոքհոլմի խաղաղության հետազոտությունների միջազգային ինստիտուտը զենքի համաշխարհային առևտրում տարբեր պետությունների ունեցած մասնաբաժնի վերաբերյալ զեկույց է հրապարակել։

12:05, 29 նոյ

Հունգարիայի բանակում կանցկացվեն թուրքերենի դասընթացներ

Թուրք-հունգարական մշակութային տարվա շրջանակներում Հունգարիայի պաշտպանության բանակի և Թուրքիայի Յունուս Էմրե համալսարանի միջև ստորագրվել է համագործակցության արձանանգրություն։

17:33, 28 նոյ

ԱՄՆ-ից հակադարձել են Թուրքիայի պաշտպանության նախարարին

«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։