Էրդողանը կրկին սպառնացել է Հունաստանին. «Մի գիշեր հանկարծակի կարող ենք գալ»

Տարածաշրջան16:13, 06 Սեպտեմբեր 2022

Էրդողանը կրկին սպառնացել է Հունաստանին. «Մի գիշեր հանկարծակի կարող ենք գալ»

Թուրքիայի նախագահ Ռեջեփ Թայիփ Էրդողանը Բալկանյան երկրներ կատարելիք այցից առաջ ելույթ է ունեցել, որի ընթացքում անդրադարձել է արտաքին քաղաքականությանն ու տարածաշրջանային խնդիրներին:

Էրդողանը մասնավորապես նշել է, որ Եվրոպան հնձում է այն, ինչ ցանում է: Ըստ նրա՝ Եվրոպայի վերաբերմունքն ու պատժամիջոցները Պուտինի նկատմամբ անխուսափելի դարձրին Պուտինի հակառակ ռեակցիան, որի արդյունքում Եվրոպան այս ձմռանը լուրջ փորձանքների միջով կարող է անցնել: Թուրքիայի նախագահը կարծում է, որ իրենց երկրին նման փորձանքներն չեն սպասում:

Հունաստանին ևս մեկ անգամ մեղադրելով Թուրքիայի նկատմամբ «ոտնձգությունների» մեջ՝ Էրդողանը իրեն հատուկ ոճով սպառնալիքներ է հնչեցրել ուղղված Հունաստանին:

Էրդողանն արտաբերել է թուրքկան ազգայնականության և ծավալապաշտական քաղաքականության ամենահայտնի «թևավոր խոսքերից» մեկը դարձած «Մի գիշեր հանկարծակի կարող ենք գալ» նախադասությունը:

Թուրքիայի նախագահի այս սպառնալից հռետորաբանությունն արժանացել է Հունաստանի արտգործնախարար Նիկոս Դենդիասի արձագանքին: Դենդիասը Թուրքիային մեղադրել է պրովակացիաների դիմելու մեջ և նշել, որ բարձրաձայնելու են, թե իրականում ով է խաթարում ՆԱՏՕ-ի ներդաշնակությունը:

Աղբյուր` Cumhuriyet

Այս ենթաբաժնի վերջին նորությունները

19:17, 29 մարտ

Հեռախոսազրույց են ունեցել Թուրքիայի և Իրանի նախագահները

Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։

19:03, 26 մարտ

Հալեպում Թուրքիայի հյուպատոսն այցելել է Հայաստանի հյուպատոսություն

Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն: