Թուրքիան կոշտ է արձագանքել Արաբական լիգայի ԱԳ նախարարների խորհրդի որոշումներին

Տարածաշրջան13:15, 08 Սեպտեմբեր 2022

Թուրքիան կոշտ է արձագանքել Արաբական լիգայի ԱԳ նախարարների խորհրդի որոշումներին

Թուրքիայի արտաքին գործերի նախարարությունը հայտարարություն է տարածել Արաբական լիգայի անդամ երկրների արտգործնախարարների խորհրդի նիստում Թուրքիային վերաբերող որոշումներին ու հայտարարություններին ի պատասխան։:

Թուրքիայի ԱԳՆ-ի հայտարարության մեջ մասնավորապես նշված է.

«Արաբական լիգայի ԱԳ նախարարների խորհրդի 158-րդ նիստը, որը տեղի ունեցավ 2022թ. սեպտեմբերի 6-ին, հերթական անգամ ուղեկցվեց մեր երկրի հասցեին անհիմն մեղադրանքներ պարունակող որոշումներով և հայտարարություններով: Մենք լիովին մերժում ենք այդ որոշումներն ու հայտարարությունները»:

Ընդգծելով, որ որոշումներն ընդունվել են «որոշ նեղ և կարճաժամկետ անհատական շահերի ազդեցությամբ», հայտարարության մեջ ասվում է, որ այդ կերպ տարածաշրջանային խնդիրների լուծման տեսանկյունից ապակառուցողական քայլեր են արվում:

Հայտարարության մեջ ընդգծվել է նաև, որ Թուրքիան շարունակելու է պայքարել իր շահերի և ազգային անվտանգության դեմ ուղղված ահաբեկչական սպառնալիքների դեմ՝ միջազգային իրավունքի սկզբունքների և նորմերի շրջանակներում։

Աղբյուր` TRT haber

Այս ենթաբաժնի վերջին նորությունները

19:17, 29 մարտ

Հեռախոսազրույց են ունեցել Թուրքիայի և Իրանի նախագահները

Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։

19:03, 26 մարտ

Հալեպում Թուրքիայի հյուպատոսն այցելել է Հայաստանի հյուպատոսություն

Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն: