Բորելը Հունաստանի հարցով նամակ է գրել Չավուշօղլուին

Քաղաքական16:17, 20 Սեպտեմբեր 2022

Բորելը Հունաստանի հարցով նամակ է գրել Չավուշօղլուին

Եվրամիության (ԵՄ) արտաքին գործերի և անվտանգության քաղաքականության հարցերով բարձր ներկայացուցիչ Ջոզեֆ Բորելն Անկարայի ու Աթենքի միջև առկա լարվածության թեմայով նամակ է գրել Թուրքիայի արտգործնախարար Մևլութ Չավուշօղլուին:

Թուրքական «Artı gerçek» լրատվակայքը, հղում անելով հունական մամուլին, գրում է, որ այդ նամակում Անկարային լարվածությունը թուլացնող քայլերը դադարեցնելու և միջազգային իրավունքը հարգելու վերաբերյալ ուղերձ է հղվել:

Բորելը նամակում շեշտել է, որ Էգեյան ծովի կղզիների վրա Հունաստանի ինքնիշխանությունը վիճարկման ենթակա թեմա չէ: Խոսվել է նաև այդ կղզիների վրայով թուրքական ռազմական ինքնաթռների թռիչքների մասին: Թուրքիան «զգուշացվել է» նաև հռետորաբանությունը կոշտացնելու համար:

Բորելը նամակում ընդգծել է նաև, որ բացառիկ տնտեսական գոտու և մայրցամաքային ծանծաղուտի սահմանազատումը պիտի իրականացվի բարեխիղճ երկխոսության միջոցով՝ լիովին հարգելով միջազգային իրավունքի մասին ՄԱԿ-ի կոնվենցիան:

ԵՄ բարձրաստիճան պաշտոնյան ընդգծել է, որ բարիդրացիական հարաբերությունները զարգացնելու միակ ճանապարհը վեճերի համար խաղաղ լուծում գտնելն է, այդ թվում՝ դիմելով միջազգային համաձայնագրերին և Հաագայի միջազգային դատարանին:

Աղբյուր` Ermenihaber.am

Այս ենթաբաժնի վերջին նորությունները

16:53, 15 հունվ

Էրդողանը սպառնում է YPG-ին. «Եթե չինքնալուծարվեն, չեն կարողանա փրկվել ցավոտ ճակատագրից»

Թուրքիայի նախագահը ԱԶԿ խորհրդարանական խմբի հետ հանդիպմանը գրեթե նույնությամբ կրկնել է Ֆիդանի ռազմական գործողություն իրականացնելու մասին սպառնալիքը:

14:32, 15 հունվ

Սպիտակ տուն. «Մենք հասկանում ենք Թուրքիայի մտահոգությունները»

Միացյալ Նահանգների ազգային անվտանգության խորհրդի ռազմավարական հաղորդակցությունների համակարգող Ջոն Քիրբին անդրադարձել է Թուրքիայից հնչող հայտարարություններին: