Պենտագոնը երկխոսության կոչ է անում Հունաստանին և Թուրքիային

Տարածաշրջան16:16, 28 Սեպտեմբեր 2022

Պենտագոնը երկխոսության կոչ է անում Հունաստանին և Թուրքիային

ԱՄՆ պաշտպանության նախարարության (Պենտագոնի) խոսնակ, Պատրիկ Ռայդերն անդրադարձել է Վաշինգտոնի վարչակազմին ուղղված Անկարայի բողոքի նոտային՝ կոչ անելով Թուրքիային երկխոսել Հունաստանի հետ:

Ռայդերը օրակարգային հարցերի վերաբերյալ գնահատական է տվել ամենօրյա ասուլիսում և նշել. «Ընդհանուր առմամբ Թուրքիան և Հունաստանը ՆԱՏՕ-ի երկու կարևոր գործընկերներ են, և մենք խրախուսում ենք նրանց շարունակել կառուցողական երկխոսությունը՝ հնարավոր լարվածությունը նվազեցնելու համար»:

Ի պատասխան Անկարայից ԱՄՆ-ի հասցեին հնչող քննադատությունների վերաբերյալ հարցին Ռայդերը հայտարարել է, որ Թուրքիան ՆԱՏՕ-ի չափազանց կարևոր գործընկերն է նաև երկկողմ հարաբերությունների առումով և որ իրենք կշարունակեն սերտորեն աշխատել ՆԱՏՕ-ի իրենց գործընկերների, այդ թվում՝ Թուրքիայի հետ:

ԱՄՆ Պետդեպարտամենտի խոսնակ Նեդ Փրայսը կողմերին կոչ է արել խուսափել այնպիսի քայլերից, որոնք կբարձրացնեն լարվածությունը տարածաշրջանում և լուծել իրենց տարաձայնությունները դիվանագիտական ճանապարհով։

Աղբյուր` www.rudaw.net

Այս ենթաբաժնի վերջին նորությունները

19:17, 29 մարտ

Հեռախոսազրույց են ունեցել Թուրքիայի և Իրանի նախագահները

Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։

19:03, 26 մարտ

Հալեպում Թուրքիայի հյուպատոսն այցելել է Հայաստանի հյուպատոսություն

Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն: