Թուրքիան դատապարտում է Կիպրոսի ընդգրկումը ռազմական գործընկերության պետական ծրագրում ԱՄՆ-ի կողմից

Տարածաշրջան15:47, 04 Հոկտեմբեր 2022

Թուրքիան դատապարտում է Կիպրոսի ընդգրկումը ռազմական գործընկերության պետական ծրագրում ԱՄՆ-ի կողմից

Թուրքիայի արտաքին գործերի նախարարությունը քննադատել է ԱՄՆ պաշտպանության նախարարությանը (Պենտագոն), որը Կիպրոսի Հանրապետությանը ներառել է Ազգային գվարդիայի բյուրոյի նահանգային պետական գործընկերության ծրագրում։

Թուրքիայի ԱԳՆ-ն հայտարարություն է տարածել այս կապակցությամբ՝ նշելով, որ 2 շաբաթ առաջ Հարավային Կիպրոսի նկատմամբ զենքի արգելանքը (էմբարգոն) հանած ԱՄՆ-ի այս նոր քայլը Թուրքիայի համար ոչ մի ընդունելի բացատրություն չունի։

«Նման քայլով ԱՄՆ-ն խախտում է կղզում (Կիպրոս-խմբ․) երկու կողմերի միջև հավասարակշռությունն ու անկողմնակալությունը։ Կորցնում է Կիպրոսի հարցի արդարացի, հաստատուն, երկարաժամկետ լուծմանը հասնելու գործընթացում կառուցողական դեր ունենալու իր հնարավորությունը»,- ասված է Թուրքիայի ԱԳՆ-ի հայտարարությունում։

Միևնույն ժամանակ նշվում է, որ թուրքական կողմը կշարունակի ձեռնարկել անհրաժեշտ բոլոր քայլերը։

Աղբյուր` Rudaw.net

Այս ենթաբաժնի վերջին նորությունները

19:17, 29 մարտ

Հեռախոսազրույց են ունեցել Թուրքիայի և Իրանի նախագահները

Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։

19:03, 26 մարտ

Հալեպում Թուրքիայի հյուպատոսն այցելել է Հայաստանի հյուպատոսություն

Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն: