Կիպրոսի նախագահը մեղադրել է ԵՄ-ին Թուրքիայի հանդեպ հանդուրժողական լինելու մեջ

Տարածաշրջան16:05, 12 Հոկտեմբեր 2022

Կիպրոսի նախագահը մեղադրել է ԵՄ-ին Թուրքիայի հանդեպ հանդուրժողական լինելու մեջ

Կիպրոսի նախագահ Նիկոս Անաստասիադիսը քննադատել է Եվրամիության (ԵՄ) երկակի չափանիշների քաղաքականությունը։ Նա ԵՄ-ին մեղադրել է Թուրքիայի նկատմամբ հանդուրժողական լինելու մեջ։

Անաստասիադիսը նշել է, որ ԵՄ-ի այդօրինակ մոտեցումն ըստ էության քաջալերում է Թուրքիայի վարչակազմին մնալ անտարբեր միջազգային օրենքների նկատմամբ։ Կիպրոսի նախագահը շեշտել է, որ այդ իրավիճակը կարող է հանգեցնել նոր բախումների։

Նա նաև ուշադրություն է հրավիրել այն հանգամանքի վրա, որ Անկարայի հետ ԵՄ-ի քաղաքական և տնտեսական բազմազան կապերի պատճառով Թուրքիան պահպանում է իր անդամակցության կարգավիճակը։

«Այն դեպքում, երբ ԵՄ անդամի թեկնածու մի երկիր խախտում է միջազգային իրավունքը ԵՄ անդամ մեկ այլ երկրի դեմ, հնարավոր չէ, որ մենք ասենք, թե Ռուսաստանը միջազգային իրավունք է խախտում»,- ասել է Անաստասիադիսը։

Ըստ նրա՝ Պրահայում Լյուքսեմբուրգի վարչապետը միջնորդություն է առաջարկել Նիկոսիայի և Անկարայի միջև հանդիպում կազմակերպելու համար, բայց Թուրքիայի նախագահը հրաժարվել է՝ պատճառաբանելով, որ հիմա դրա ճիշտ ժամանակը չէ։

Աղբյուր` Tr.euronews.com

Այս ենթաբաժնի վերջին նորությունները

19:17, 29 մարտ

Հեռախոսազրույց են ունեցել Թուրքիայի և Իրանի նախագահները

Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։

19:03, 26 մարտ

Հալեպում Թուրքիայի հյուպատոսն այցելել է Հայաստանի հյուպատոսություն

Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն: