Քաղաքական17:45, 24 Հոկտեմբեր 2022
Դիարբեքիրում Էրդողանին դիմել են Օջալանի պատվանունով՝ Սերոք Էրդողան
Թուրքիայի նախագահ Ռեջեփ Էրդողանը քրդաբնակ Դիարբեքիրում մասնակցել է «Առաջին քվես Էրդողանին, առաջին քվես ԱԶԿ-ին» միջոցառմանը, որի ընթացքում հանդիպել է տեղի երիտասարդների հետ: Դահլիճում հավաքվածների հետ հարցուպատասխանի ժամանակ երիտասարդներից մեկը Թուրքիայի նախագահին դիմել է՝ ասելով «Բարով եկաք, Սերոք (առաջնորդ, նախագահ) Էրդողան»: Դրանից հետո էլ ներկաները բղավել են քրդերեն «Բիժի Սերոք Էրդողան»՝ (Կեցցե՛ առաջնորդ Էրդողանը):
Այս միջադեպն ակտիվ քննարկման առարկա է դարձել Թուրքիայում, քանի որ հայտնի է, որ քրդերեն սերոք բառը տարիներ շարունակ օգտագործում են Թուրքիայում ահաբեկչական համարվող «Քուրդիստանի բանվորական կուսակցություն» (ՔԲԿ-PKK) ռազմահայրենասիրական կազմակերպության հիմնադիր առաջնորդ Աբդուլլահ Օջալանի համար «Սերոք Ապո» ձևով (Օջալանն Ապո անունով է հայտնի ժողովրդի շրջանում):
Նշենք, որ Էրդողանի գլխավորած «Արդարություն և զարգացում» կուսակցության խորհրդարանական դաշնակից «Ազգայնական շարժում» կուսակցության նախագահ Դևլեթ Բահչելին «սերոք» բառը հեգնանքով օգտագործում է Թուրքիայի նախկին վարչապետ, Էրդողանի նախկին կուսակից Ահմեթ Դավութօղլուի վերաբերյալ: Թուրքիայի գլխավոր ազգայնական Բահչելին, ով Էրդողանի ամենամտերիմներից է, Դավութօղլու մասին գրելիս կամ խոսելիս օգտագործում է «Սերոք Ահմեթ» բնութագրումը:
Այս ենթաբաժնի վերջին նորությունները
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:
Այս մասին համապատասխան հուշագիրը ստորագրվել է երկու կողմերի առողջապահական գերատեսչությունների ղեկավարների միջև:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Նիստին անձամբ մասնակցելու է Թուրքիայի նախագահ Ռեջեփ Թայիփ Էրդողանը:
Օդանավակայանում գործարկված նոր համակարգով կարելի է միաժամանակ թռիչքներ ու վայրէջքներ իրականացնել բոլոր թռիչքուղիներով:
Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:
Հարցվածների 32%-ը նշել է, որ չի վստահում որևէ հեռուստաալիքի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |