Հարցազրույց12:53, 27 Հոկտեմբեր 2022
Ռուս թուրքագետ. «Էրդողանը Ռուսաստանի համար դարձել է հասկանալի գործընկեր»
2023 թվականը շատ կարևոր փուլանիշ է լինելու Թուրքիայի համար։ Ermenihaber.am-ի հետ զրույցում նման կարծիք է հայտնել ՌԴ ԳԱ Հասարակական գիտությունների գիտական տեղեկատվության ինստիտուտի Մերձավոր և հետխորհրդային արևելքի ամբիոնի վարիչ, ՌԴ ԱԳՆ-ի Դիվանագիտական ակադեմիայի դասախոս, թուրքագետ Վլադիմիր Ավատկովը՝ խոսելով 2023-ին Թուրքիայում անցկացվելիք համապետական ընտրություններում իշխող ուժի և ընդդիմության շանսերի մասին։
«2023-ին Թուրքիայում նշելու են հանրապետության հիմնադրման 100-ամյակը։ 2023-ին Թուրքիայում նաև նշանակված են խորհրդարանական և նախագահական ընտրություններ։ Նախ և առաջ դա շատ կարևոր փուլանիշ է Թուրքիայի համար, քանի որ այժմ բնակչության շրջանում տարբեր կարծիքներ կան այն մասին, թե ինչ է կատարվում երկրում։ Դա նախ և առաջ վերաբերում է Թուրքիայի տնտեսությանը։ Թուրքիայում սեպտեմբերին գնաճը կազմել է 83.45% և Թուրքիայի բնակչությունը որոշ հարցեր ունի կառավարող էլիտային տնտեսության ոլորտի հետ կապված։ Մյուս կողմից բնակչության շրջանում կոնսոլիդացիա կա Անկարայի արտաքին քաղաքական վեկտորի շուրջ»։
Թուրքիայում իշխանության և ընդդիմության գործունեությունը Ռուսաստանի տեսանկյունից մեկնաբանելով՝ Ավատկովը շեշտում է, որ Ռուսաստանի համար Էրդողանը դարձել է հասկանալի գործընկեր։
«Էրդողանի դեպքում մենք չենք կարող օգտագործել «կայուն» բառը, քանի որ լինում են տարբեր շրջաններ»,-մանրամասնում է ռուս թուրքագետը և հավելում․ «Բայց, քիչ թե շատ, մենք սովորել ենք նրա հետ շփման մեջ ընդհանուր եզրեր գտնել, խնդիրներ լուծել։ Ռուսաստանի արտաքին քաղաքականության համար կարևոր է կայունության հասկացությունը։ Երբ կայունություն կա, մենք գիտենք, թե ինչ սպասել այս կամ այն իրավիճակում։»
Շեշտելով, որ Թուրքիայում ընդդիմության վիճակը փոքր-ինչ ավելի բարդ է՝ Ավատկովը մասնավորեցնում է.
«Մենք տեսնում ենք թուրքական ընդդիմության այցերը Միացյալ Նահանգներ։ Մենք տեսնում ենք ընդհանուր առմամբ Արևմուտքի հետ նրանց հաղորդակցությունը, և դա չի կարող չառաջացնել հարցեր, հատկապես երբ «Ժողովրդահանրապետական» (ԺՀԿ-CHP) կուսակցության նախագահը (Քեմալ Քըլըչդարօղլու-խմբ․) հայտարարում է, որ Թուրքիան պետք է աջակցեր Ուկրաինային տվյալ ճգնաժամում։ Սա ևս որոշակի ցուցիչ է մեզ համար, էլ չեմ խոսում ընդդիմադիր մյուս ուժերի մասին։ Մասնավորապես, նրանց մեջ կան այնպիսի քաղաքական գործիչներ, որոնք հայտարարում են, թե ցավալի է, որ 1990-ականներին չի հաջողվել կազմալուծել Ռուսաստանը։ Մեզ համար դա ևս համապատասխան ցուցիչ է»։
Այս ենթաբաժնի վերջին նորությունները
Ըստ Մեհմեթ Թաթլըի՝ քանի դեռ Թուրքիայում իշխանության ղեկին Էրդողանն է, պետք է Թուրքիա-Հայաստան հարաբերությունների կարգավորմանը լուծում տալ, քանի որ Էրդողանից հետո շատ դժվար կլինի հասնել լուծման։
Ըստ Բարչըն Յինանչի՝ Թուրքիան ցանկանում է կարգավորել հարաբերությունները Հայաստանի հետ, բայց այս պահին, ցավոք սրտի, դրան խանգարում են հարաբերությունները Ադրբեջանի հետ։
Կրիստինա Հարությունյանի հարցազրույցը թուրքագետ Գևորգ Կալլոշյանի հետ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այդ համագործակցության մասին առաջին անգամ հայտարարել է «Ռոսատոմ» ատոմային էներգետիկ պետական ընկերության ղեկավար Ալեքսեյ Լիխաչովը:
Հունական «Kathimerini» թերթը գրում է, որ Նյու Յորքում կայացած հունական սփյուռքի միջոցառման ժամանակ այդ մասին հայտնել է Գրեգորի Միքսը։
Գեդեոն Սաարի հայտարարությանն արձագանքել է Թուրքիայի արտաքին գերատեսչությունը այն համարելով լկտի հայտարարություն։
«Hürriyet» թերթի վերլուծաբան Աբդուլքադիր Սելվին անդրադարձել է «ՔԲԿ»-ի հիմնադիր առաջնորդ Աբդուլլահ Օջալանի (Ափո) զենքերը վայր դնելու և կուսակցությունը լուծարելու կոչին։
Այդ մասին հայտարարություն է տարածել Թուրքիայի նախագահականին կից հանրային կապերի վարչությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |