«Ստամբուլի ահաբեկիչը Մանբիջից է եկել» . Թուրքիայի ՆԳ նախարարը 3-րդ անգամ փոխել է միտքը

Քաղաքական18:13, 18 Նոյեմբեր 2022

«Ստամբուլի ահաբեկիչը Մանբիջից է եկել» . Թուրքիայի ՆԳ նախարարը 3-րդ անգամ փոխել է միտքը

Թուրքիայի ներքին գործերի նախարար Սուլեյման Սոյլուն 2023 թվականի բյուջեի քննարկումներին մասնակցելու նպատակով խորհրդարանում ելույթ ունենալիս անդրադարձել է օրերս Ստամբուլում կատարված ահաբեկչական ակտից։

Նախարարը արդեն երրորդ անգամ փոխել է իր հայտնած տվյալը՝ նշելով, թե օրերս Ստամբուլում ահաբեկչություն իրականացրած կինը եկել էր Սիրիայի Մանբիջ շրջանից:

Ավելի վաղ նախարարը հայտարարել էր, թե նա Աֆրինից (Սիրիա), իսկ հետո էլ, թե Իդլիբից (Սիրիա) է ներթափանցել Թուրքիա։

Սոյլուի՝ իրար հակասող այս հայտարարությունները բուռն արձագանք են գտել թուրքական մամուլում։

Հիշեցնենք, որ նոյեմբերի 13-ին Ստամբուլի Թաքսիմ հրապարակին հարող Իսթիքլալ պողոտայում տեղի ունեցած ահաբեկչական պայթյունի հետևանքով զոհվել էր 6, վիրավորվել՝ 81 քաղաքացի: Պայթյունի հաջորդ օր թուրքական ոստիկանություն հայտարարել էր, ռումբը տեղադրած կնոջը ձերբակալելու մասին՝ նշելով, որ նա Սիրիայի քաղաքացի է Ալհամ Ալբասհիր անունով: Հաղորդագրության մեջ ասվել էր նաև, որ ձերբակալվածը խոստովանել է իր կապը «Քուրդիստանի բանվորական կուսակցություն» (PKK-ՔԲԿ) ռազմաքաղաքական կազմակերպության հետ կապը:

Այս ենթաբաժնի վերջին նորությունները

12:37, 04 ապր

Թուրքիայի արտգործնախարարը ՆԱՏՕ-ում կանցկացնի մի շարք հանդիպումներ

Հաքան Ֆիդանը կմասնակցի Ասիա-Խաղաղօվկիանոսյան և ՆԱՏՕ-Ուկրաինա խորհրդի նիստերին։

10:03, 04 ապր

Թուրքիայի ԱԳՆ. «Իսրայելն ապակայունացնում է տարածաշրջանը»

Թուրքիան խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները, ինչպես նաև տարածաշրջանում այդ երկրի իրականացվող գործողությունները:

15:02, 03 ապր

ԵԽ-ն մտադիր է դիտորդներ ուղարկել Թուրքիա՝ տեղում իրավիճակին ծանոթանալու համար

Նման սցենար քննարկվել է Էքրեմ Իմամօղլուի մարտի 23-ի կալանավորումից հետո Եվրոպայի խորհրդի տեղական և տարածաշրջանային ղեկավարությունների կոնգրեսի հրատապ քննարկմանը: