Քաղաքական12:45, 29 Նոյեմբեր 2022
Հրեական թերթ. «ԱՄՆ-ն ու ՌԴ-ն չեն խանգարի Թուրքիային Սիրիայում ցամաքային գործողություն սկսելու հարցում»

Իսրայելական առաջատար «Haaretz» թերթում հրապարակված հոդվածում պնդում է արվում այն մասին, որ Թուրքիան ցամաքային ռազմական օպերացիա կիրականացնի Սիրիայի հուսիսում: Հրեա նախկին զինվորական Զվի Բարի հեղինակած հոդվածում նշվում է, որ Թուրքիան պատրաստ է նոր ռազմագործողություն սկսելուն, ԱՄՆ-ն և Ռուսաստանն էլ չեն կարողանալու խոչընդոտել Անկարայի գործողություններին:
Ըստ Բարի՝ Ռուսաստանի ազդեցությունը Թուրքիայի հարցում բավականին նվազել է Ուկրաինայի պատերազմի, ինչպես նաև Շվեդիայի ու Ֆինլանդիայի՝ ՆԱՏՕ-ի անդամակցության գործընթացում Անկարայի քաղաքականության պատճառով:
Հեղինակի կարծիքով ԱՄՆ-ի դեպքում էլ նմանատիպ իրավիճակ է: Հիմա նախագահ Ջո Բայդենի վարչակարգը ստարում է Թուրքիային և «Բայդենը Թուրքիային նոր F-16 կործանիչներ վաճառելու հարցում ամենաակտիվ լոբբիստն է դարձել»: Այսպիսով Թուրքիայի գործողություններին խոչընդոտող որևէ ուժ չի մնում:
Նշենք, որ վերջին օրերին Սիրիայի և Իրաքի հյուսիսում քրդական կազմավորումների դեմ իրականացրած օդային ռազմական գործողություններից հետո Թուրքիայի նախագահ Ռեջեփ Թայիփ Էրդողանը մի քանի անգամ խոսել է առաջիկայում Սիրիայում հերթական ցամաքային ռազմագործողություն սկսելու մասին:
Թուրքական մամուլն էլ հրապարակումներ է անում նախապատրաստական աշխատանքների մասին՝ ներկայացնելով նաև Սիրիայի սահման զինտեխնիկա տեղափոխելու լուսանկարներ:
Ռազմական գործողության նպատակը Սիրիայի հյուսիսում 30 կմ-ոց անվտանգության գոտի ստեղծելն է, որը, ըստ թուրքական կողմի պնդումների, կբարձրացնի Թուրքիայի հարավային սահմանների անվտանգությունն ու հնարավորություն կտա այդտեղ բնակեցնել Թուրքիայում ապաստանած սիրիացի փախստականների զգալի մասին։
Նշվում է, որ Թուրքիայի զինված ուժերի առաջին թիրախը Սիրիայում լինելու են Այն էլ Արաբ (Քոբանի), Մանբիչ և Թել Ռըֆաթ քաղաքները:
Այս ենթաբաժնի վերջին նորությունները

Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:

Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:

Այս մասին համապատասխան հուշագիրը ստորագրվել է երկու կողմերի առողջապահական գերատեսչությունների ղեկավարների միջև:
Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Միջազգային ռազմավարական հետազոտությունների ինստիտուտը հրապարակել է բազմաքանակ զինծառայողներով բանակ ունեցող երկրների անունները:
Հոգևորականը կոչ է արել պայքարել թուրքերին Կիպրոսից վտարելու և հայրենիքը փրկելու համար։
Ջևդեթ Յըլմազը խոսել է նաև Թուրքիայի վրա ԱՄՆ մաքսատուրքերի ունեցած ազդեցությունից։
Մասնակցություն կունենա G20-ի, ԱՄՀ-ի և ՀԲ-ի շրջանակներում տեղի ունեցող հանդիպումներին։
Թուրքիայի էներգետիկայի և բնական ռեսուրսների նախարարի խոսքով՝ Սաքարյայի գազի ավազանում տարվող աշխատանքների առաջին փուլն ավարտված է:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |