Օջալանը դատի է տվել Հունաստանին

Իրավական18:21, 30 Նոյեմբեր 2022

Օջալանը դատի է տվել Հունաստանին

Քուրդիստանի բանվորական կուսակցության (ՔԲԿ-PKK) առաջնորդ Աբդուլլահ Օջալանը Հունաստանին դատի տալու նպատակով դիմել է Մարդու իրավունքների եվրոպական դատարան (ՄԻԵԴ)։ Բանն այն է, որ 1998-ին, երբ Օջալանը դիմել էր Հունաստանին ապաստան տրամադրելու խնդրանքով, 1999-ի փետրվարին Քենիայում գտնվելիս ձերբակալվել և հանձնվել է թուրքական իշխանություններին։ Այդ ամենի համար Օջալանը մեղադրում է Հունաստանին։

Ինչպես գրում է «DW» լրատվամիջոցի թուրքալեզու բաժինը, Օջալանի փաստաբանները մարդու իրավունքների կոնվենցիային անհամապատասխան մի շարք կետեր են հայտնաբերել, որոնք վերաբերել են Օջալանի կյանքի այն շրջանին, երբ նա գտնվելիս է եղել Հունաստանում։

2008-ի դեկտեմբերի 4-ին Օջալանը դիմել էր Աթենքի վարչական դատարան և պնդել, որ 1999-ի որոշումները հակասում են «երկու անգամ ապաստանի համար դիմող անձին մերժելու անհնարինության մասին» օրենքին, որի շրջանակներում պահանջել էր 20.500 եվրո ֆինանսական փոխհատուցում։ Այն մերժվել էր Աթենքի վարչական դատարանի կողմից 2017թ-ի հունվարի 30-ին։

Հունական կողմը դատական որոշման մեջ նշել էր, որ հունական կառավարության վարած քաղաքականության վարչադատական իրավասությունից դուրս է այս խնդիրը և հունվարի 29-ից մինչև փետրվարի 15-ը չի եղել հարմար ժամանակ Օջալանին ապաստան տալու հայցն ուսումնասիրելու համար, դրանից բացի՝ հետախուզության անձնակազմի սխալների համար պետությունը պատասխանատվություն չի կրում։

Ըստ լրատվականի՝ ավելի վաղ ՄԻԵԴ-ը հունական կառավարությանը հարցում է արել, թե արդյոք հույն գործակալների կողմից է Օջալանը հանձնվել Թուրքիային։ Կողմերն ունեն 12 շաբաթ իրենց տեսակետները ՄԻԵԴ ներկայացնելու համար։ Այս պատասխանի հիման վրա 2023-ին արդեն ՄԻԵԴ-ը կհրապարակի իր որոշումը։

Ակնկալվում է, որ դատական լսումներ ևս կլինեն։

Աղբյուր` rudaw.net

Այս ենթաբաժնի վերջին նորությունները

10:04, 26 նոյ

Թուրքիայում ընդդիմադիր քաղաքական գործիչ է ձերբակալվել

Դիարբեքիր նահանգի մի շարք հասցեներում խուզարկություններ է իրականացվել: Ձերբակալվածներին տեղափոխել են ահաբեկչության դեմ պայքարի բաժանմունք:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։