Չավուշօղլուն զգուշացում է արել ԱՄՆ-ին ու Ռուսաստանին

Քաղաքական11:49, 13 Դեկտեմբեր 2022

Չավուշօղլուն զգուշացում է արել ԱՄՆ-ին ու Ռուսաստանին

Թուրքիան շարունակում է սպառնալ Սիրիայի քրդական ուժերին (PYD/YPG)՝ նրանց նույնացնելով «Քուրդիստանի բանվորական կուսակցության» (ՔԲԿ-PKK) հետ, որին Անկարան համարում է ահաբեկչական:

Թուրքիայի արտգործնախարար Մևլութ Չավուշօղլուն խորհդարանում ԱԳՆ-ի բյուջեի քննարման ժամանակ անդրադարձել է Սիրիայում ու Իրաքում գործող նշյալ քրդական կառույցների թեմային:

«Կտրականապես չենք թողնելու, որ PKK/PYD/YPG ներկայություն ունենա Սիրիայում ու Իրաքում: Այս հարցում ինչ ուզում են, թող ասեն, մենք կանենք այն, ինչ անհրաժեշտ ենք գտնում: Մինչ մեր անվտանգության ուժերը տքնաջան աշխատում են, մեր դիվանագետներն էլ միջազգային հարթակներում շարունակում են պատմել մեր պայքարի իրավացիության ու օրինականության մասին: Մեր գործընկերներին զգուշացնում ենք, կամ դուք կատարում ենք 2019թ.-ի համաձայնագրի դրույթները, կամ մենք անում ենք այն, ինչ անհրաժեշտ է»,-ասել է նա:

Նշենք, որ Թուրքիան մեղադրում է ԱՄՆ-ին ու Ռուսաստանին խոստումները չկատարելու մեջ: Ըստ թուրքական կողմի՝ նրանք պետք է քրդական ուժերին դուրս բերեին Սիրիայի հյուսիսային հատվածներից:

Հիշեցնենք, որ Թուրքիայի իշխանությունները հայտարարել էին, որ «Մագիլ-սուր» անվամբ ռազմական գործողություններ են սկսելու Հյուսիսային Իրաքում ու Սիրիայում քուրդ զինյալների դեմ: Թուրքիայի նախագահը զգուշացրել է, որ գործողությունները կարող են չսահմանափակվել միայն օդային հարվածներով:

Աղբյուր` TRT