Իրավական22:16, 14 Դեկտեմբեր 2022
Թուրքական դատարանը Ստամբուլի ընդդիմադիր քաղաքապետին դատապարտել է 2 տարի 7 ամսվա ազատազրկման
Ստամբուլի 1-ին ատյանի քրեական դատարանը ընդդիմադիր Ժողովրդահանրապետական (CHP-ԺՀԿ) կուսակցության անդամ քաղաքապետ Էքրեմ Իմամօղլուի գործով այսօր՝ դեկտեմբերի 14-ին տեղի ունեցած 8-րդ դատական նիստի ժամանակ վճիռ է հրապարակել: Այսպիսով 2023թ-ի նախագահական ընտրություններում նախագահ Էրդողանի հիմնական մրցակիցը համարվող Իմամօղլուն դատապարտվել է 2 տարի 7 ամիս 15 օր ազատազրկման և նույքան ժամանակով «քաղաքականությամբ զբաղվելու արգելքի»:
Նշյալ արգելքը կարգավորվում է Թուրքիայի քրեական օրենսգրքի 53-րդ հոդվածով, որը սահմանում է որոշակի կամ անորոշ ժամանակով անձին զրկել բոլոր տեսակի քաղաքական ընտրովի ու նշանակովի պաշտոններ զբաղեցնելու իրավունքից՝ այդ թվում օրենսդիր, գործադիր ու տեղական ինքնակառավարման մարմիններում:
Տեղական դատարանի վճիռը ենթակա է բողոքարկման: Եթե բարձր դատարաններում դատավճիռը չբեկանվի, ապա կսկսվի Իմամօղլուի քաղաքական արգելքի որոշման ի կատար ածման գործընթացը, և վերջինս կհեռացվի Ստամբուլի քաղաքապետի պաշտոնից: Նա, սակայն, կկարողանա օգտվել պայմանական ազատազրկման իրավունքից և խուսափել պատժաչափը մեկուսարանում անցկացնելուց:
Իմամօղլուի դեմ գործը հարուցվել է 2019 թվականի Ստամբուլի քաղաքային ընտրություններից հետո։ Նա իշխանական թեկնածուի նկատմամբ փոքր առավելությամբ հաղթանակ էր տարել մարտի 31-ին տեղի ունեցած առաջին ընտրություններում, որոնք սակայն չեղարկվեցին Թուրքիայի Կենտրոնական ընտրական հանձնաժողովի կողմից և նշանակվեցին կրկնակի ընտրություններ: Դրանցում Իմամօղլուն ավելի մեծ առավելությամբ հաղթեց իշխանական թեկնածուին:
Ընտրություններում հաղթելուց հետո Իմամօղլուն, օգտագործելով Թուրքիայի ներքին գործերի նախարար Սուլեյման Սոյլուի այդ օրերի հայտարարություններից մեկում օգտագործած տխմար բառը, հայտարարել էր, որ մարտի 31-ի ընտրությունները չեղարկողները տխմար են: Տևական ժամանակ շարունակվող դատական գործընթացի ընթացքում Իմամօղլուն բազմիցս ասել է, որ այդ արտահայտությունն ուղղված է եղել հենց Սուլեյման Սոյլուին, այլ ոչ թե ընտրական հանձնաժողովի անդամներին, սակայն դատարանն այսօրվա պատժի հիմքում դրել է հենց պետական մի խումբ պաշտոնյաներին վիրավորելու մեղադրանքը:
Ավելացնենք, որ Իմամօղլուի նկատմամբ կայացված դատավճիռը մեծ արձագանք է գտել Թուրքիայում և դրա սահմաններից դուրս՝ արդեն իսկ հայտնվելով միջազգային մամուլի առաջին էջերում:
Այդ դատավճիռը քաղաքական են համարել մի շարք թուրք քաղաքաական գործիչներ, որոնք իրենց անհամաձայնությունն են հայտնել տարբեր հայտարարություններով:
Ստամբուլում բազմահազար քաղաքացիներ էլ փողոց են դուրս եկել՝ իրենց աջակցությունը հայտնելու Իմամօղլուին:
Այս ենթաբաժնի վերջին նորությունները
Թուրքիայում շարունակում են իշխանություններին մեղադրել Իսրայելի հետ համագործակցությունը շարունակելու մեջ։
աշվի առնելով միջազգային փորձը՝ Թուրքիան նպատակ ունի նվազագույնի հասցնել այն վտանգները, որոնք երեխաները կարող են հանդիպել սոցցանցերում։
Դիարբեքիր նահանգի մի շարք հասցեներում խուզարկություններ է իրականացվել: Ձերբակալվածներին տեղափոխել են ահաբեկչության դեմ պայքարի բաժանմունք:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ըստ տեղեկությունների՝ այդ օպերացիայով կտրվել է նաև քրդերի վերահսկողության տակ գտնվող Թել Ռըֆաթ-Մանբիչ գիծը:
Աբբաս Արաղչին անդրադարձել է Իրանի և Թուրքիայի միջև տարածաշրջանային ընդհանուր մտահոգություններին:
Թրամփի երդմնակալության արարողությունը նախատեսված է 2025 թվականի հունվարի 20-ին Սպիտակ տանը:
Ստոքհոլմի խաղաղության հետազոտությունների միջազգային ինստիտուտը զենքի համաշխարհային առևտրում տարբեր պետությունների ունեցած մասնաբաժնի վերաբերյալ զեկույց է հրապարակել։
Թուրքիայում շարունակում են իշխանություններին մեղադրել Իսրայելի հետ համագործակցությունը շարունակելու մեջ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |