ԵԽ Կանաչների կուսակցություն․ Իմամօղլուի դատավճիռն Էրդողանի հակադեմոկրատական քայլն է

Քաղաքական12:01, 16 Դեկտեմբեր 2022

ԵԽ Կանաչների կուսակցություն․ Իմամօղլուի դատավճիռն Էրդողանի հակադեմոկրատական քայլն է

Եվրախորհրդարանում եվրոպական Կանաչների կուսակցությունը դատապարտել է թուրքական դատարանի կողմից Ստամբուլի ընդդիմադիր քաղաքապետ Էքրեմ Իմամօղլուի նկատմամբ կայացրած 2․7 ամիս ազատազրկման ու քաղաքականությամբ զբաղվելու արգելք սահմանելու դատավճիռը:

Կուսակցության տարածած հայտարարության մեջ հիշյալ դատավճիռը անվանվում է ընտրություններին ընդառաջ հակադեմոկրատական քայլ Էրդողանի կողմից։

«Ստամբուլի քաղաքապետ Իմամօղլուն Թուրքիայի քաղաքացիների համար ժողովրդավարության հույս է, ինչպես շատ քաղաքապետներ, որոնք պայքարում են ավտորիտար կառավարիչների դեմ։

Նրա՝ քաղաքական դրդապատճառներով դատապարտվելը Թուրքիայում ընտրություններից առաջ ժողովրդավարական խաղը խափանելու Էրդողանի փորձերի ևս մեկ վկայություն են»,- ասված է կուսակցության Twiter-ի պաշտոնական էջում տեղադրված հայտարարության մեջ:

Հիշեցնենք, որ 2 տարի 7 ամիս 15 օր ազատազրկման և նույնքան ժամանակով «քաղաքականությամբ զբաղվելու արգելքի» դատապարտված Իմամօղլուի դեմ գործը հարուցվել է 2019 թվականի Ստամբուլի քաղաքային ընտրություններից հետո։ Նա իշխանական թեկնածուի նկատմամբ փոքր առավելությամբ հաղթանակ էր տարել մարտի 31-ին տեղի ունեցած առաջին ընտրություններում, որոնք սակայն չեղարկվեցին Թուրքիայի Կենտրոնական ընտրական հանձնաժողովի կողմից և նշանակվեցին կրկնակի ընտրություններ: Դրանցում Իմամօղլուն ավելի մեծ առավելությամբ հաղթեց իշխանական թեկնածուին:

Ընտրություններում հաղթելուց հետո Իմամօղլուն, օգտագործելով Թուրքիայի ներքին գործերի նախարար Սուլեյման Սոյլուի այդ օրերի հայտարարություններից մեկում օգտագործած տխմար բառը, հայտարարել էր, որ մարտի 31-ի ընտրությունները չեղարկողները տխմար են: Տևական ժամանակ շարունակվող դատական գործընթացի ընթացքում Իմամօղլուն բազմիցս ասել է, որ այդ արտահայտությունն ուղղված է եղել հենց Սուլեյման Սոյլուին, այլ ոչ թե ընտրական հանձնաժողովի անդամներին, սակայն դատարանն այսօրվա պատժի հիմքում դրել է հենց պետական մի խումբ պաշտոնյաներին վիրավորելու մեղադրանքը:

Դատական բարձր ատյաններում բողոքարկվելուց հետո վճիռը չբեկանվելու դեպքում Իմամօղլուն կազատվի Ստամբուլի քաղաքապետի պաշտոնից, և ժամանակավորապես կկասեցվի նաև նրա անդամակցությունը գլխավոր ընդդիմադիր «Ժողովրդահանրապետական կուսակցությանը» (CHP-ԺՀԿ): Ազատազրկումը սակայն հնարավոր է փոխարինվի պայմանականի:

Այս ենթաբաժնի վերջին նորությունները

11:38, 22 նոյ

Թուրքիան BRICS-ի հետ համագործակցելու առաջարկ է ստացել

Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։

12:05, 21 նոյ

Թուրքիայի և ԱՄՆ-ի միջև նոր սկանդալ է հասունանում

Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։

17:48, 20 նոյ

Էրդողանն անդրադարձել է Սիրիայի քուրդ զինյալների թեմային

«Մենք բացարձակապես ոչ մի հանդուրժողականություն չունենք մեր սահմաններից դուրս գտնվող այն կառույցների նկատմամբ, որոնք անվտանգության սպառնալիքներ են ստեղծում մեր երկրի համար»։