Էրդողանը հայտնել է 1000կմ հեռահարությամբ թուրքական բալիստիկ հրթիռների մասին

Ռազմական16:38, 19 Դեկտեմբեր 2022

Էրդողանը հայտնել է 1000կմ հեռահարությամբ թուրքական բալիստիկ հրթիռների մասին

Թուրքիայի նախագահ Ռեջեփ Թայիփ Էրդողանը Մարդին քաղաքում ելույթ է ունեցել՝ հայտարարելով թուրքական արտադրության «TAYFUN» նոր բալիստիկ հրթիռային համակարգի մասին:

Ըստ Էրդողանի՝ ներկայումս թուրքական բանակի սպառազինության հեռահար հրթիռային համակարգերից ամենաերկարը համարվել են «BORA» համակարգերը, որոնց խոցման շառավիղը 280կմ էր:

Ներկայումս «TAYFUN» բալիստիկ հրթիռային համակարգն ունակ է խոցել 560 կմ հեռավորության վրա գտնվող թիրախները:

Թուրքիայի նախագահը, նշել է, որ բոլորը իրենցից վախենում են, անվանում են «խենթ թուրքեր»: Ըստ այդմ՝ իրենց չի բավարարում այդ հեռավորությունն ու նպատակ ունեն «TAYFUN» բալիստիկ հրթիռների խոցման հեռավորությունը հասցնել 1000 կմ-ի:

Այս համատեքստում Էրդողանը չի մոռացել նորից սպառնալ Հունաստանին՝ նշելով, որ եթե «իրենց հանգիստ չպահեն, իրենք ինչ որ պետք է կանեն»:

Էրդողանն ընդգծել է, որ հավանաբար շուտով թուրքական բանակի սպառազինությունը կհամալրվի այս հեռահար նոր բալիստիկ հրթիռներով, որը կարևոր զսպող գործոն կդառնա Թուրքիայի անվտանգության տեսանկյունից:

Աղբյուր` https://www.savunmasanayist.com/

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: