Պուտինի և Էրդողանի միջև կայացել է հեռախոսազրույց

Քաղաքական17:01, 05 Հունվար 2023

Պուտինի և Էրդողանի միջև կայացել է հեռախոսազրույց

Թուրքիայի նախագահ Ռեջեփ Թայիփ Էրդողանը և ՌԴ նախագահ Վլաադիմիր Պուտինը հեռախոսազրույց են ունեցել: Թուրքիայի նախագահականից տարածված հաղորդագրության համաձայն՝ քննարկվել են ռուս-թուրքական հարաբերությունները, այդ թվում էներգետիկ հարցերը, ինչպես նաև Սիրիայի ու Ուկրաինայի հարցերը։

Էրդողանը Պուտինին հայտնել է, որ Թուրքիայում գազային հանգույց ստեղծելու ուղղությամբ ենթակառուցվածքներն ուժեղացրել են և նպատակ ունեն կոնկրետ քայլեր անել։

Անդրադառնալով ՌԴ-Ուկրաինա հակամարտությանը՝ Էրդողանն ընդգծել է, որ խաղաղության և բանակցության կոչերը պետք է աջակցություն գտնեն միակողմանի հրադադարի հայտարարման և արդար կարգավորման տեսլականով։

Սիրիական խնդրի համատեքստում Էրդողանը շեշտել է Անկարաայի կողմից ահաաբեկչական համարվող քրդական զզինված խմբաավորումների Թուրքիայի սահմանային շրջաններից, մասնավորապես Թել Ռըֆաթից և Մանբիջից մաքրելու համար հստակ քայլի կատարման անհրաժեշտությունը։

Նա նաև նշել է, որ Սիրիայում կոնկրետ արդյունքի համար Սիրիայի նախագահ Բաշար ալ-Ասադի իշխանությունը պետք է կառուցողական լինի և քաղաքական գործընթացում մի շարք քայլեր իրականացնի:

Աղբյուր` Anadolu