Հուլուսի Աքար․ Թուրքիայի և Սիրիայի միջև հանդիպումները տարածաշրջանային խաղաղության համար են

Տարածաշրջան17:35, 10 Հունվար 2023

Հուլուսի Աքար․ Թուրքիայի և Սիրիայի միջև հանդիպումները տարածաշրջանային խաղաղության համար են

Թուրքիայի պաշտպանության նախարար Հուլուսի Աքարը կառավարության նիստից հետո լրագրողների հարցերին է պատասխանել։ Դրանք վերաբերել են տարածաշրջանային զարգացումներին, սիրիացի փախստականներին և այլ ներքաղաքական թեմաներին։

Անդրադառնալով ռուս-ուկրաինական ճգնաժամին՝ Աքարը նշել է, որ Թուրքիան, չնայած ամեն ինչ արել է, որ այդ պատերազմը չսկսվի, դրանից հետո էլ հումանիտար հրադադարի, հրադադարի և խաղաղության հանդիպումների կոչերով է հանդես եկել։

«Մեր նախագահի ջանքերն առաջին իսկ օրվանից շարունակվում են։ Դրանք աշխարհի խաղաղության համար կարևոր ներդրում են։ Սա պետք է ողջ աշխարհը հասկանա։ Սրանք թե՛ ՆԱՏՕ-ի, թե՛ ԵՄ-ի համար կարևոր աշխատանքներ են։ Հարկավոր է րոպե առաջ դադարեցնել այս կրակը»,- ասել է Աքարը։

Այն հարցին, թե արդյոք նորից կլինեն եռակողմ՝ Ռուսաստան-Թուրքիա-Սիրիա հանդիպումներ, Աքարը պատասխանել է․ «Սա գործընթաց է։ 11 տարվա դադարից հետո լավ նպատակով երկու երկրների միջև հարաբերությունների և տարածաշրջանային խաղաղության համար այսպիսի բան է սկսվել։ Մեր ցանկությունն է, որ այն փոխադարձ հանդիպումների ճանապարհով զարգանա և վերածվի տարածաշրջանի համար խաղաղության և կայունության դրության»։

Աղբյուր` Anadolu

Այս ենթաբաժնի վերջին նորությունները

19:17, 29 մարտ

Հեռախոսազրույց են ունեցել Թուրքիայի և Իրանի նախագահները

Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։

19:03, 26 մարտ

Հալեպում Թուրքիայի հյուպատոսն այցելել է Հայաստանի հյուպատոսություն

Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն: