Քաղաքական17:41, 11 Հունվար 2023
Իցխակ Հերցոգն Էրդողանին հրավիրել է Իսրայել
Իսրայելի նախագահ Իցխակ Հերցոգը Թուրքիայի նախագահ Ռեջեփ Թայիփ Էրդողանին հրավիրել է Իսրայել:
Ըստ թուրքական լրատվամիջոցների՝ Հերցոգը հրավերը փոխանցել է Իսրայելում Թուրքիայի նոր դեսպան Շաքիր Օզքան Թորունլարին։
«Վստահ եմ, որ մենք շարունակելու ենք աշխատել երկու երկրների փոխհարաբերությունների ամրապնդման ուղղությամբ»,- ասել է Հերցոգը: Նաև հավելել է, որ այդ այցը կնպաստի երկու երկրների միջև առկա կապերի ու համագործակցության խորացմանը:
Հիշեցնենք, որ ավելի քան 10 տարի Իսրայելի և Թուրքիայի միջև խզված էին դիվանագիտական հարաբերությունները: Երկկողմ հարաբերությունները վատացել էին 2010թ. մարտի 31-ին, երբ իսրայելցի հատուկջոկատայինները Միջերկրական ծովում գրոհել էին Գազայի հատված ուղևորվող թուրքական «Մավի Մարմարա» նավը, ինչի հետևանքով սպանվել էր Թուրքիայի 10 քաղաքացի։
Էրդողանի կառավարությունն այդ ժամանակ իր դեսպանին հետ էր կանչել Թել Ավիվից: Թուրքիան Իսրայելից պահանջում էր պաշտոնապես ներողություն խնդրել և փոխհատուցել զոհվածների ընտանիքներին, իսկ Իսրայելը պնդում էր, որ իր զինված ուժերը գործել են միջազգային օրենքներին համապատասխան:
Այս ենթաբաժնի վերջին նորությունները
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |